النتائج 1 إلى 3 من 3
  1. #1
    Explosive
    تاريخ التسجيل
    May 2014
    الدولة
    Egypt
    المشاركات
    719

    افتراضي الشرح الشامل لسيد العناصر (Elemental Master)





    أقدم لكم الشرح الشامل عن سيد العناصر Elemental Master







    نبذة عن سيد العناصر :

    سيد العناصر بينتمى لجنس جان النور وبينتمى لعائلة المستدعيين Summoners ... وتخصص المستدعى هو تخصص بيستدعى خدم/حيوانات Servitors تساعده فى قتل الوحوش

    وبيتميز سيد العناصر
    إن عنده أسرع معدل ضربات Critical Rate وأسرع معدل تجديد للمانا MP بين تخصصات المستدعى ... والخدم/الحيوانات المستدعاة الخاصة بيه

    متنوعة بين ضرب وحوش متعددة AOE و بين ضرب وحش واحد 1vs1 /Solo ... وتُعتبر أفضل
    الخدم/الحيوانات المستدعاة فى تخصصات المستدعى من حيث التوازن فى القوى

    بحيث تُعتبر الأفضل فى الـ PVE نظراً لأفضليتها فى ضرب وحوش متعددة AOE ... وتُعتبر قوية فى الـ PVP لوجود منها المتخصص فى معركة 1vs1 ...




    تدرج تخصص سيد العناصر :

    Elf Mystic -> Elven Wizard -> Elemental Summoner -> Elemental Master

    روحانى جان -> ساحر جان -> مستدعى عناصر -> سيد العناصر




    الإستدعاءات الخاصة بسيد العناصر :

    إستدعاءات التخصص الأول :

    وحيد القرن الملاكم (Boxer the Unicorn) : بيأخد من 18-30 % من الخبرة EXP ...... سراب وحيد القرن (Mirage the Unicorn) : بيأخد 90% من الخبرة EXP .




    إستدعاءات التخصص الثانى :


    وحيد القرن سيرافيم (Unicorn Seraphim) : بيأخد من 0-5% من الخبرة EXP ...... وحيد القرن ميرو (Merrow the Unicorn) : بيأخد من 0-10% من الخبرة EXP .




    إستدعاء التخصص الثالث :


    وحيد القرن ماغنوس (Magnus the Unicorn) : مبيأخدش حاجة من الخبرة EXP .




    المكعبات الخاصة بسيد العناصر Cubics :

    مكعب الماء Aqua Cube : بيضرب ضربات سحرية مستمرة .
    مكعب الحياة Life Cubic : بيجدد صحة HP المستدعى و أعضاء الفريق Party/Team .







    الدروع والأسلحة الخاصة بسيد العناصر :

    من مميزات التخصص ده إنك ممكن تمسك أى سلاح ... بس أشهر 3 أسلحة :

    1- صولجان لليدين (2H Blunt/Staff) وده بيديك هجوم سحرى قوى بس هجوم بدنى ضعيف ودفاع ضعيف.

    2- صولجان لليد الواحدة / سيف لليد الواحدة + درع (1h Blunt/Rod or 1h Sword + Shield) ودول بيدوك هجوم بدنى وسحرى متوسط/ضعيف بس دفاع متوسط .

    3- قوس (Bow) وده بيديك هجوم بدنى متوسط بعيد المدى بس هجوم سحرى ضعيف ودفاع ضعيف .

    بالنسبة للبس :هيكون إما ثوب خفيف/عباءة (Robe) وده أفضل نسبياً ... أو درع خفيف (Light Armor) .






    لاحظ إن الدروع والأسلحة أنواع وبتتلبس عند لفل معين :


    من لفل 1-19 تلبس بدون درجة


    من لفل 20 تلبس D


    من لفل 40 تلبس C


    من لفل 52 تلبس B


    من لفل 61 تلبس A


    من لفل 76 تلبس S


    من لفل 80 تلبس S80 (دنستى Dynasty) (مويراى Moirai)


    من لفل 84 تلبس S84 (فاسبر Vesper) (فوربال Vorpal) (إليجا Elegia)







    المهمات الخاصة بسيد العناصر :


    عشان تتخصص
    (ساحر جان) المهمة تبدأ من لفل 19 من ((-> هنا <-))


    لما توصل لفل 39 وعايز تنتقل للتخصص الثانى (مستدعى عناصر) لازم تعمل 3 مهمات :

    المهمة الأولى لفل 35 من ((-> هنا <-))
    المهمة الثانية لفل 37 من ((-> هنا <-))
    المهمة الثالثة لفل 39 من ((-> هنا <-))


    لما توصل لفل 76 وعايز تعمل التخصص الثالث (سيد العناصر) من ((-> هنا <-))







    الصبغات الخاصة بسيد العناصر :


    الصبغات الأولى :
    CON +4 STR -4
    DEX +4 STR -4
    WIT +4 MEN -4



    الصبغات الثانية :
    CON +4 STR -4
    WIT +4 INT -4
    MIN +4 INT -4







    المهارات الخاصة بسيد العناصر :


    هشرح المهارات Skills بداية من روحانى جان وصولاً لسيد العناصر.


    المهارات الخاصة بروحانى الجان (Elven Mystic) من لفل 1-20 :

    إنتعاش المانا Mana Recovery (مهارة كامنة) - بتزود معدل تجدد المانا MP Recovery لما تبقى لابس ثوب خفيف/عباءة Robe.


    حركة الساحر Magician's Movement (مهارة كامنة) - بتزود سرعة الهجوم Atk.Spd لما تبقى لابس ثوب خفيف/عباءة Robe.


    إتقان السحر Spellcraft (مهارة كامنة) - بتزود سرعة شعوذة/ملىء المهارات Casting.Spd لما تبقى لابس ثوب خفيف/عباءة Robe.


    ضربة الرياح Wind Strike
    (مهارة فعالة) - بتجمع إعصار صغير وتضرب ضربة رياح بقوة بتضاف للهجوم السحرى M.Atk.


    شفاء النفس Self Heal
    (مهارة فعالة) - بتجدد الصحة HP.


    مكافحة السحر Anti Magic (مهارة كامنة) - بتزود الدفاع السحرى M.Def.


    إتقان الدرع Armor Mastery (مهارة كامنة) - بتزود الدفاع البدنى P.Def.


    إتقان السلاح Weapon Mastery (مهارة كامنة) - بتزود الهجوم البدنى P.Atk والهجوم السحرى M.Atk.


    علاج السم Cure Poison (مهارة فعالة) - بتعالج الهدف من أى سم.


    صاعقة الجليد Ice Bolt (دبف Debuff) - بتجمد المنطقة المحيطة بالعدو وبالتالى بتقلل سرعته.


    الشفاء Heal (مهارة فعالة) - بتجدد صحة HP الهدف المحدد.


    القوة Might (بف Buff) - بتزود الهجوم البدنى P.Atk.


    الدرع Shield (بف Buff) - بتزود الدفاع البدنى P.Def.


    شفاء المعركة Battle Heal (مهارة فعالة) - بتجدد صحة HP الهدف المحدد فى الحال.


    شفاء المجموعة Group Heal (مهارة فعالة) - بتجدد صحة HP الفريق Team/Party.


    رياح القيد Wind Shackle (دبف Debuff) - بتقلل سرعة هجوم العدو Atk.Spd.


    لعنة الضعف Curse Weakness (دبف Debuff) - بتقلل الهجوم البدنى P.Atk للعدو.







    المهارات الخاصة بالتخصص الأول ساحر جان (Elven Wizard) من لفل 20-36 :


    إعادة التدوير السريع Quick Recycle (مهارة كامنة) - بتقلل الوقت لإعادة إستخدام السحر
    Cooldown.


    إتقان الثوب/العباءة Robe Mastery (مهارة كامنة) - بتزود الدفاع البدنى P.Def لما تلبس ثوب خفيف/عباءة Robe.


    الدوامة المائية Aqua Swirl (مهارة فعالة) - بتعمل دوامة ماء قوية بتضرب العدو بقوة بتضاف للهجوم السحرى M.Atk.


    التركيز Concentration (بف Buff) - بتقلل تأثير كنسلة السحر Magic Cancel Damage.


    شفاء الخادم/ المستدعَى Servitor Heal (مهارة فعالة) - بتجدد الصحة HP للخادم/ المستدعَى.


    إستدعاء وحيد القرن الملاكم Summon Boxer The Unicorn (مهارة فعالة) - بتستدعى وحيد القرن الملاكم وبيتطلب خام النفس Spirit Ore للإستدعاء.


    إستدعاء سراب وحيد القرن Summon Mirage The Unicorn (مهارة فعالة) - بتستدعى سراب وحيد القرن وبيتطلب خام النفس Spirit Ore للإستدعاء.


    هالة الحرق Aura Burn (مهارة فعالة) - بتضرب العدو ضربة سحرية بتضاف للهجوم السحرى M.Atk.


    تعزيز المانا Boost Mana (مهارة كامنة) - بتزود الحد الأقصى للمانا Max MP.


    ضربة اللهب Flame Strike (مهارة فعالة) - ضربة بتعمل منطقة من اللهب
    بتُلحق بالعدو تأثير النار بتضاف للهجوم السحرى M.Atk.


    إرتفاع إكتساب المانا Higher Mana Gain (مهارة كامنة) - بتزود معدل رجوع المانا MP Recovery لما تعمل إعادة شحن Recharge.


    صاعقة الطاقة Energy Bolt (مهارة فعالة) - بتضرب العدو ضربة سحرية بتضاف للهجوم السحرى M.Atk.


    الإنتعاش السريع للمانا Fast Mana Recovery (مهارة كامنة) - بتزود معدل تجدد المانا MP Recovery.



    الشعوذة/ الملىء السريع للسحر Fast Spell Casting (مهارة كامنة) - بتزود سرعة شعوذة/ملىء المهارات Casting.Spd.


    شحن الخادم/ المستدعَى Servitor Recharge (مهارة فعالة) - بتجدد المانا MP للخادم/ المستدعَى.


    البريق الشمسى Solar Spark (مهارة فعالة) - بتضرب العدو ضربة مقدسة بتضاف للهجوم السحرى M.Atk مع إمكانية تحقيق أعلى ضرر Over-Hit.


    مقاومة الماء Water Resistance (بف Buff) -
    بتزود مقاومة عنصر الماء.


    النوم Sleep (دبف Debuff) - بتسبب نوم للعدو.


    الإنتعاش السريع للصحة Fast HP Recovery (مهارة كامنة) - بتزود معدل تجدد الصحة HP.


    الإستسلام للأرض Surrender to Earth (دبف Debuff) - بتقلل مقاومة العدو لعنصر الأرض Earth Resistance وبتزودله مقاومة عنصر الرياح Wind Resistance.


    تعزيز سحر الخادم/ المستدعَى Servitor Magic Boost
    (بف Buff) - بتزود الهجوم السحرى M.Atk للخادم/ المستدعَى.







    المهارات الخاصة بالتخصص الثانى مستدعى عناصر (Elemental Summoner) من لفل 40-74 :

    إتقان الدرع الخفيف Light Armor Mastery (مهارة كامنة) - بتزود الدفاع البدنى P.Def وسرعة شعوذة/ملىء المهارات Casting.Spd وسرعة الهجوم Atk.Spd
    وتجدد المانا MP Recovery
    لما تلبس درع خفيف.


    شفاء الخادم/ المستدعَى Servitor Cure (مهارة فعالة) - بتشفى الخادم/ المستدعَى من النزيف Bleeding والسم Poison.


    تكتل/تجمع إستدعاء مكعب الماء Mass Summon Aqua Cubic (مهارة فعالة) - بتستدعى مكعب الماء لأعضاء الفريق Team/Party اللى بيضرب ضربات سحرية
    مستمرة على العدو وبيتطلب خام نفس Spirit Ore للإستدعاء.


    نقل الألم Transfer Pain (هالة Aura) - بتحول جزء من الضرر Damage اللى عليك للخادم/ المستدعَى.


    إستدعاء مكعب الماء Summon Aqua Cubic (مهارة فعالة) - بتستدعى مكعب العاصفة بيضرب ضربات سحرية مستمرة وبيتطلب خام نفس Spirit Ore للإستدعاء.


    إستدعاء وحيد القرن ميرو Summon Merrow The Unicorn (مهارة فعالة) - بتستدعى وحيد القرن ميرو وبيتطلب خام النفس Spirit Ore للإستدعاء.


    إستدعاء مكعب الحياة Summon Life Cubic (مهارة فعالة) - بتستدعى مكعب الحياة بيجدد الصحة HP ليك ولأعضاء الفريق Party/Team
    وبيتطلب خام نفس Spirit Ore للإستدعاء
    .




    يتبع ...
    التعديل الأخير تم بواسطة * T.N.T * ; 14-06-2015 الساعة 05:09 PM سبب آخر: تعديل بعض الصور
    :::التوقيع:::



  2. #2
    Explosive
    تاريخ التسجيل
    May 2014
    الدولة
    Egypt
    المشاركات
    719

    افتراضي تابع شرح سيد العناصر

    البُعد الحلزونى Dimension Spiral (مهارة فعالة) - بتعمل بُعد للعدو بيتلقى فيه ضرر مضاف للهجوم السحرى M.Atk مع إمكانية تحقيق أعلى ضرر Over-Hit.


    الدرع البدنى الخادم/ المستدعَى Servitor Physical Shield (بف Buff) - بتزود الدفاع البدنى P.Def للخادم/ المستدعَى.


    إتقان المكعب Cubic Mastery (مهارة كامنة) - بتخليك تستدعى أكتر من مكعب فى نفس الوقت.


    الدرع السحرى الخادم/ المستدعَى Servitor Magic Shield (بف Buff) - بتزود الدفاع السحرى M.Def للخادم/ المستدعَى.


    مشاركة الروح Spirit Sharing (بف Buff) - بتزود الهجوم البدنى P.Atk والهجوم السحرى M.Atk وسرعة الهجوم Atk.Spd وسرعة شعوذة/ملىء المهارات Casting.Spd
    ومعدل الضربات Critical Rate بس مرتبطة بقدراتك إنت والخادم/ المستدعَى .


    تسارع الخادم/ المستدعَى Servitor Haste (بف Buff) - بتزود سرعة هجوم Atk.Spd الخادم/ المستدعَى.


    تمكين الخادم/ المستدعَى Servitor Empowerment (بف Buff) - بتزود الدفاع البدنى P.Def والدفاع السحرى M.Def
    ومقاومة إلغاء البفات Buff-canceling Resistance للخادم/ المستدعَى
    .


    الإلهام المقدس Divine Inspiration (مهارة كامنة) - بتزود عدد المهارات السحرية أو البفات Buffs التى يمكن الحصول عليها.


    الخيانة Betray (دبف Debuff) - بتُستخدم على تخصص مستدعي زيك بتخلى الخادم/ المستدعَى الخاص بيه يهاجمه هو بدل مايهاجمك إنت.


    إستدعاء صديق Summon Friend (مهارة فعالة) - بتنقل أحد أعضاء الفريق Team/Party للمكان اللى إنت واقف فيه بتتطلب كريستالة إستدعاء Summoning Crystal.


    إستدعاء وحيد القرن سيرافيم Summon Seraphim the Unicorn (مهارة فعالة) - بتستدعى وحيد القرن سيرافيم وبيتطلب خام النفس Spirit Ore للإستدعاء.


    الإستسلام الشامل للماء Mass Surrender to Water (دبف Debuff) - بتأثر على أى حد قريب من الخادم/ المستدعَى بتقلل مقاومته للماء Water Resistacne
    وبتزود مقاومته للنار Fire Resistance وبتطلب خام النفس Spirit Ore.


    مباركة الخادم/ المستدعَى Servitor Blessing (مهارة فعالة) - بتحرر الخادم/ المستدعَى من الثبات Hold والشلل Paralyze
    وأى بطىء فى سرعة هجومه Atk.Spd.







    المهارات الخاصة بالتخصص الثالث سيد العناصر (Elemental Master) من لفل 76-85 :

    الحكمة Wisdom (مهارة كامنة) - بتزود مقاومة الثبات Hold والنوم Sleep والهجوم العقلى Mental Attack بـ 20.


    إيذاء المحارب Warrior Bane (دبف Debuff) - بتشيل البفات اللى بتزود السرعة Speed وسرعة الهجوم Atk.Spd من العدو.


    إتقان الترس/الدرع الصغير Sigil Mastery (مهارة كامنة) - بتزود الحد الأقصى للمانا Max MP بـ 5% وبتزود معدل تجدد المانا MP Recovery بـ 17 %
    لما تلبس الترس/ الدرع الصغير Sigil.


    إتقان المهارة Skill Mastery (مهارة كامنة) - إما بتلغى الإنتظار لإعادة إستخدام المهارات (Cooldown) أو تضاعف مدة الإنتظار ... بتعتمد على الـ INT بتاعك.


    الخادم/ المستدعَى الساحر Wizard Servitor (بف Buff) - لمدة 5 دقائق بتخلى الخادم/ المستدعَى بقوة ساحر قديم بحيث بتزود معدل تجديد المانا MP Recovery بـ 20%
    والدفاع السحرى M.Def بـ 20% والهجوم السحرى M.Atk بـ 20%
    وسرعة شعوذة/ملىء المهارات Casting.Spd بـ 20% وضرر السحر Magic damgae بـ 2
    ومقاومة إلغاء البفات Buff-Canceling Resistacne بـ 10 وبتقلل السرعة Speed بـ 20% وبتطلب خام النفس Spirit Ore.


    إستدعاء التقاليد Summon Lore (مهارة كامنة) - لما تبقى لابس درع خفيف Light Armor بتزود الدفاع البدنى P.Def بـ 80 وسرعة شعوذة/ملىء المهارات
    Casting.Spd بـ 5% ...
    ولما تبقى لابس ثوب خفيف/عباءة Robe بتزود الدفاع البدنى P.Def بـ 60 وسرعة شعوذة/ملىء المهارات Casting.Spd بـ 7%
    وبتقلل إستهلاك السحر للمانا MP Consumption بـ 3%
    .


    الخادم/ المستدعَى النهائى Final Servitor (بف Buff) - لمدة 5 دقائق بتخلى الخادم/ المستدعَى بقوة بطل قديم بحيث بتزود الصحة HP بـ 20% والحد الأقصى
    للصحة Max HP بـ 20% والدقة Accuracy بـ 4 والهجوم البدنى P.Atk بـ 10% والدفاع البدنى P.Def بـ 20% وسرعة الهجوم Atk.Spd بـ 20%
    ومعدل الضربات Critical Rate بـ 20% والضربات الحرجة Critical Damage بـ 20% والدفاع السحرى M.Def بـ 20% والهجوم السحرى M.Atk بـ 20%
    وسرعة شعوذة/ملىء المهارات Casting.Spd بـ 20% ومقاومة إلغاء البفات Buff-Canceling Resistance بـ 20 بس بتقلل السرعة Speed بـ 20%
    وبتطلب خام النفس Spirit Ore.


    الرشاقة الغامضة Arcane Agility (هالة Aura) - بتزود سرعة شعوذة/ملىء المهارات Casting.Spd بـ 10% ومعدل إستهلاك السحر للمانا MP بـ 10% وبتقلل إنتظار
    إستخدام
    مهارات السحر (Cooldown) بـ 10% بس بـاخد 50 من الصحة HP فى الثانية.


    إستدعاء وحيد القرن ماغنوس Summon Magnus the Unicorn (مهارة فعالة) - بتستدعى وحيد القرن ماغنوس وبيتطلب خام النفس Spirit Ore للإستدعاء.


    منطقة مكافحة الإستدعاء Anti-summoning Field (مهارة فعالة) - بتقلل سرعة كل الأعداء المحيطين بيك وبتعمل منطقة فيها ختم بتنقل بيه كل الخدم/ الحيوانات
    المستدعاة
    لبعد تانى وأى حد جوه المنطقة سواء شخصيات أو خدم/ حيوانات بيتأثر وبتطلب 1 رمز السحر Magic Symbol.


    إستدعاء المكعب الذكى Summon Smart Cubic (مهارة فعالة) - بتستدعى المكعب الذكى اللى بيشيل من عليك أى بفات سلبية وبيخليك تستخدم مهاراتك الإيجابية
    وبيتطلب خام نفس Spirit Ore للإستدعاء.


    حاجز الخادم/ المستدعَى Servitor Barrier (بف Buff) - بتخلى الخادم/ المستدعَى الخاص بيك مخفى وغير مرئى.


    إرادة الساحر Magician's Will (مهارة كامنة) - بتزود الهجوم السحرى M.Atk بـ 5% وسرعة شعوذة/ملىء المهارات Casting.Spd بـ 5% ومعدل الضربات السحرية
    Magical Critical Rate
    بـ 5% وبتقلل معدل إستهلاك المانا بـ 5%.


    الإستجابة المتبادلة Mutual Response (مهارة كامنة) - بتخلق فرصة لإمكانية إسترجاع الخادم/ المستدعَى للصحة HP والمانا MP أثناء الهجوم.


    الولاء المفرط Excessive Loyalty (مهارة كامنة) - لما إنت بتأخد ضربات قوية Damage مهارات الخادم/ المستدعَى بتزيد للدفاع عنك.


    روح وحيد القرن Spirit of the Unicorn - بتسخر روح الخادم/ المستدعَى ليك بحيث تتحول إنت (لجان نور+وحيد قرن) مهجن ودى مهاراة خاصة لمدة 5 دقائق.


    مشاركة الخادم/ المستدعَى Servitor Share (بف Buff) - بتمتد قدراتك وتشاركها مع الخادم/ المستدعَى الخاص بيك بحيث تُستخدم قدراتك إنت كقاعدة للإمتداد لقدرات
    الخادم/ المستدعَى بحيث تشاركه فى الهجوم البدنى P.Atk والدفاع البدنى P.Def بـ 50% ... الهجوم السحرى M.Atk والدفاع السحرى M.Def بـ 25% ...
    الصحة HP والمانا MP بـ 10% ... معدل الضربات Critical Rate بـ 20% وسرعة الهجوم Atk.Spd بـ 10% وسرعة شعوذة/ملىء المهارات Casting.Spd بـ 3%.







    المهارات واللفافات المنسية الخاصة بسيد العناصر :

    الولاء المفرط Excessive Loyalty (لفل 81) - شكل اللفافة المنسية ... بتجبيها من جراسيا عن طريق مهمة البذور.


    إرادة الساحر Magician's Will (لفل 81) - شكل اللفافة المنسية ... بتجيبها من البوسات اكيموس ، تيات ، بيليث
    أو المزادات فى عدن وجيران وريون.


    الإستجابة المتبادلة Mutual Response (لفل 81) - شكل اللفافة المنسية ...بتجبيها من جراسيا عن طريق مهمة البذور.


    حاجز الخادم/ المستدعَى Servitor Barrier (لفل 81) - شكل اللفافة المنسية ... بتجيبها من عند الحداد شادى فى الهيل بوند.


    حماية الإصطفاف Protection of Alignment (لفل 82) - شكل اللفافة المنسية ... بتجيبها من البوسات فلاكس ، انثاراس ، فرنتيزا
    أو المزادات فى جيران وريون.


    حماية العناصر Protection of Elemental (لفل 82) - شكل اللفافة المنسية ... بتجيبها من البوسات فلاكس ، انثاراس ، فرنتيزا
    أو المزادات فى جيران وريون.


    حماية ريون Protection of Rune (لفل 82) - شكل اللفافة المنسية ... بتجيبها من البوسات فلاكس ، انثاراس ، فرنتيزا
    أو المزادات فى جيران وريون.




    روح وحيد القرن Spirit of the Unicorn (لفل 83) -
    شكل اللفافة المنسية ... بتجيبها من منظم الأولى عن طريق شهرة ونقاط أولى.






    ملحوظة : بعض المهارات المشروحة قد تكون غير متوفرة فى الإصدار الحالى من زمن

    التعديل الأخير تم بواسطة * T.N.T * ; 01-02-2015 الساعة 07:03 AM سبب آخر: تعديل بعض الصور
    :::التوقيع:::



  3. #3
    «إلبي»
    تاريخ التسجيل
    May 2018
    المشاركات
    10

    افتراضي

    هلا شباب ممكن رابط مهمة التخصص الثالث لسيد العناصر
    وشكرا


 

 

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •