السلام عليكم ورحمة الله وبركاته عائلة زمن المحاربين
عساكم تكونوا كامل بالف صحة و عافية وبخير إن شاء الله
وكم كلنا نفتقد بعضنا واللعبة التي كانت تجمعنا من قبل والتي تمتعنا بها بأفضل أوقات حياتنا ..
والشكر الخاص والخالص للإستاذ كيمو على مجهوداته وفكرته التي جمعت شملنا وإبقائه للمنتدى شغال كوسيلة تواصل بين اللاعبين
وددت مشاركتكم قصتي كلاعب في زمن المحاربين كيف بدأت وكيف تغيرت وترعرت داخل اللعبة .. وعسى أن يكون هاذا الموضوع لجميع الاعضاء حتى يشاركو معنا تجربتهم داخل هذه اللعبة بل التي اعتبرتها حياتي الافتراضية ..
الكل يعرفني بإسمي حما عيد من الجزائر وحاليا عمري 22 سنة..
بدأت قصتي بعمر ال11 سنوات لما كنت مع صديقي المفضل في بيتهم وكان يلعب لعبة غريبة نوعا ما ومشيقة ، كان صديقي شخصية تخصص ساحر بشري وكان عند وحوش ليزاردمال يتلفلف ، لما شفته يلعبها قلت خلاص لازم احملها والعبها
والمصيبة انه ههه الجهاز ماكان يستحمل ابدا وكان الوالد حفظه الله بيجيب كل الناس الي بتفهم بالحاسوب عشان نشغل اللعبة وقام بتزويد الرامات وتتغيير نظام التشغيل ... الخ يمكن 6 أشهر من الانتظار حتى دخلت اللعبة في عصر الانترلود
طبعا في البيت سابقا كان يتوفر جهاز حاسوب واحد وكنت انتظر دوري بفارغ الصبر حتى يتسنى لي اللعب
بالنسبة لشخصيتي الاولى كان اسمها idou قزم قعدت يمكن 3 اشهر بقرية الاقزام لأني ماكنت اعرف اسافر وماحسبت ان اللعبة اصلا كانت اونلاين !
ماكان بمقدوري ابدا التخصص ماكنت اعرف ابدا التواصل بحكم ان لهجتنا صعبة وماكانت الناس بتفهمني أبدا
الشخص الي لفلني سابقا كان غول خفتاري اسمه إيكتو تقريبا وصلت لفل 60 وانا مش متخصص ولا تخصص وفجأة كنست صرة من ديار الصمت وكنت ميت بالفرحة لأني راح اقدر أول مرة اكبس مساعدة سحرية من زمردة
لكن للأسف إتضحك عليا من كذا ناس من بلدي ... كمان كانت اللعبة تحتوي على 20 لاعب تقريبا من نفس بلدي واتعرفت عليهم لما وصلت لأولى اعدادي وبجد صارو اغلى اصدقاء عندي وللحين بنلعب وبنطلع مع بعض ..
اتخدعت بحجة انهم سيساعدوني في التخصص ال2 وماكنت اعرف انه فيه تخصص مختصر ب3 مليون ادينا
المهم لما فتت على الحساب لقيته فاضي علطول ولا شي ولا درع ولا حتا 1 ادينا هههه
ساعدني وقتها s300 حمودي واعطاني شوي منوعات اغراض وقالي ان القزم الي تلعب بيه ضعيف ولازم عليك تغير التخصص وبالفعل رجت غيرت الى حساب ساحر بشري ولكن للأسف برضه ماكنت اعرف كيف التخصص
اللعبة كانت ادمان عندي ماكنت اطلع ابدا من البيت ولا اتحرك ولا اكل وكان يجيني اكتئاب لما النت يروح او نكون بوقت امتحانات
فاتت الاصدارات وضليت نوب مثل السابق ماكنت احارب ابدا كنت طول الوقت داخل اللعبة بحاول اتعلم واتكلم واكون صداقات مع ناس
ومرت الايام حق المسابقات في موقع احسن العاب عرب mmo تقريبا او شي مثل كذا وكنت بسم الله ماشاء الله بديت اتحسن شوي ولبست درع A ووصلت مستوايات 70 لغاية وصولنا الى اصدار جراسيا فاينال بدأت معرفتي باللعبة تتحسن اكثر واكثر ورحت عملت تخصص كانس وبديت اعرف كيف اكنس صرر بقزمي Oo0kingkong0oO وفي البداية كنت راح اترك اللعبة لانه شخصيتي اتعلقت وهي في حالة الطيران في جراسيا لولا تدخل الجي ام السابق الجزار وسحبي والغاء التحول هههه
وبالفعل عملت التخصص الثالث وماكنت مصدق نفسي اني حققت هاذا الانجاز وكمان سويت حتا النوبل وكل اصدقائي ماكانو مصدقين اني صرت اعرف العب ، بالنسبة للنوبل تقريبا قعدت 3 اشهر استنى بايوم عشان يصحى لانه كل يوم كان بيجي يصحا تدخل عليه ناس ،،
مرت الايام ووقفت عن التطوير واتسرقت ايضا كمان كم مرة .. وبديت احس ان اللعبة جد صعبة ووقفت عند مستوى 79 ماعرفت ابدا كيف اتجاوز هذي المرحلة ، وقتها تعرفت على صديقين روعة الاول يزن عيسى والثاني احمد منير الاثنين طوروني في الهيل باوند الى مستوى ال80 وكنت وقتها ببف كعكة العيد ميلاد الخبرة كانت ضعييفة جدا وقتها المهم صرت ادخل عند التوأم ومرة كان حظي حلو ونزلي تنوير وبسم الله ماشاء الله سويت دينستي وكل شي كان حلو
وبعدين بدأت افكر اجرب التخصصات الاخرى واتعلمهم لاني كنت بسوي بس اقزام ، بعدها جربت شوي ولكن حسيت ان زمن المحاربين ماكنت المكان المناسب لتجريب التخصصات لانها صعبة ف بديت اجرب في اصدارات اجنبية كدا ولأني كنت متمكن من اللغة الانجلزية ماكانت مشكلة ابدا
جربت كم كذا سيرفر وبالفعل كانو عاجبيني جدا على سهولتهم وكمان حتا اصدقائي كانو دايما بالسيرفرات الاجنبية البفب بحكم ان التلفليف وزمن المحاربين صعبة جدا ، لكن المشكلة الي صادفتنا ان السيرفرات البفب هاذي كانت ماتطول ابدا دايما تغلق بشكل سريع وبقيت زمن المحاربين دائما بأبواب مفتوحة بعدها قل دخولي للعبة وكل مرة بسيرفر وقاعد اجرب واكون نفسي واحترفت كل التخصصات وبعدين سويت جهاز قامينج وجربت العاب اخرى ومختلفة وبعدين لما خلصت دراسة ثانوية رجعت لعبة تاني وكان وقتها دخولنا على الهايف فايف وانا كنت زمان العبه هاذا الاصدار دخلت اللعبة وطبعا الكل يمكن يجهل فكرة او كيف حصولي على حساب الصارخ raasr هو كان صديق عزيز لي وكنا دايما مع بعض هو ساب اللعبة بشكل نهائي وساب الحساب لي في اصدار هاي فايف لما تغير السيرفر
رحت بعت الاغراض الي اصلا سعرها ماصار يجيب شي تقريبا كل شي كان ب 200 صرة وبعدين كمان اشتغلت بالكنس بالقزم كينج كونج في سيل ماهوم قبل ماكيمو يشيل الصرر منهم هههه وبديت في رحلة التطوير والتحسين وبعد ماكيمو شال الصرر من سيل ماهوم صرت اروح البذور هناك اجمع احجار ماء بالصارخ وبالاخير كونت ثروة صرر وثروة معرفة لاني هنا تعرفت على صديقين جديدين كانو هما اخوتي بكل صراحة العربي الخال وحمزة المتجبر ، كنا بنجمع دايما مع بعض في وكر انثاراس والبذور وكنا دايما نقتسم الارباح وانا جبت اناكيم وبعدها خلاص وصلنا لفترة تختيم الحساب وبعدين اتعرفت على سلطان وتمساحة والشلة وبدينا بعصر الحروب والاستيلاء على القلاع وكذا كنت العب بشكل يومي الصراحة ودايما موجود باللعبة وحتى رحنا عملنا تخصصات اخرى وخليناها فل
وبعدها بمدة كثرت المشاكل وكثرت الشكاوي داخل اللعبة وبدأ فيها التغيير وهاذا الشي ماكان موجود ابدا الي خلا اللاعبين يعتزلو وكذا .. وكمان الناس الي سحبت فلوسها من البايبال أدت الى اغلاق اللعبة ومن هنا خلاص قررت اترك اللعبة نهائيا ومادخلت السيرفر الجديد ، لكن على حين وحين بدخل شوي سيرفرات اجنبية كذا اغير جو ، وكمان سويت حتا سيرفر كان خاص بي واخد ثلاث اشهر وحسيت بالشعور الي كان يحسه كيمو وقفلت وريحت دماغي ههه
وكذا اكون اتممت رواية قصتي داخل زمن المحاربين هنا كلاعب وعضو ولسه طبعا مع تواصل مع اخوتي واصدقائي وماراح تنتهي صداقاتنا بإذن الله حتى لما اللعبة الي كانت جامعتنا إنغلقت
