محاولة اخيرة كويست الصاب كلاس يوم الجمعه 24/8 القادم

[SoMa]

السلام عليكم ورحمة الله وبركاته

دلوقتى يا جماعه في ناس كتير في السيرفر محتاجين مساعدتكم علشان يخصلوا كويست الصاب كلاس

وياريت كل واحد يكون موجود لاننا محتاجين مساعدة كل شخص وخصوصا ان GM كيمو مش نازل واحتمال ينزل بهيلر

وعلشان احنا كل ما بنحدد ميعاد بالليل ناس كتير بتطلع باعذار كتير ولذلك هنحدد ميعاد مختلف تمام ولما نشوف بقى الاعذار هتتواجد ولا لا

الميعاد هو يوم الجمعه القادم 24/8 الساعه 4.30 عصرا

اظن محدش له حجه بقى تانى وكلمة بقولها للسيرفر كله وخصوصا اللى نفسهم يعملوا الصاب كلاس اللى مش هايجى يساعدك اوعى تساعده في اى شىء تانى لانه بكده يعتبر انسان انانى ومش يستاهل ومش بحب اللا نفسه

الميعاد مرة اخرى يوم الجمعه القادم الساعه 4.30 عصرا

( رساله عتاب شديد لكل من منذر و اشرف وهوريكانو وتوتس ودولسى وريماس وبوجى مان ) ياريت تكونوا موجودين بعد بكرة

والله هايدى قالتها ليا كلمة من فترة متساعديش حد تانى يا ياسمين سالتها ليه قالت ليا لان وقت ما هتحتاجى حاجة مش هيساعدوكى وهيطلعوا بحجج هما عايزين مساعده بس لكن هما لا وتقريبا كلامها طلع صح بالذات بعد اللى حصل امبارح

[monzer]

اوك هكون موجود ان شاء الله وهنشوف النتيجه هتكون اية

[M_I_N_A]

انا معاكو طبعا هساعد وبالنسبة لريماس هي جت في الميعاد مظبوط لانها كانت عايزة تعمل الكويست هيا كمان وقعدت لغاية الساعة 11 او 11.15 ولما لقت مفيش حد بيرد عليا لما انا بقول مين هيعمل الكويست خرجت من اللعبة

[Rockykeen]

ميعاد كويس بس ياريت الناس تيجي تساعدنا

[جوووودي]

لا انا كنت موجوده و من قبل المعاد كمان ومينا شاهد اهو

و يوم الجمه كويس جدا جدا جدا

[HORRICANE]

اوكى يا سومه


باذن الله هابقى هاجى


و ليكى حق تزعلى


بس انا فعلا زهقت


بجد زهقت


انا اول واحد عامل كويست النوبل و بقالى اكتر من اسبوعين عاوز اموت الريد بوس و مش عارف


فبصراحه انا اتخنقت جدا جدا جدا


و المفروض تراعى خنقتى


و لعلمك انا قولت لناس كتير تساعدنى و هما طنشونى


و محدش ساعدنى فى السيرفر ده غير نودى و هيكتور و كلانه طبعا


و هما دول بس اللى هاسعدهم و عشان كده انا هاجى



عشان نودى بس


عشان كل اللى بيطنشنى


و الوحيد اللى جه معايا هيكتور و كلانه و طبعا مش عارفين نموته

[Illiadin]

ana isa ma3akom ana yoom el gom3a fady 5ales we ma3ndeesh haga

[totos_acmilan]

i told u soma why icouldnt coem yesterday &i sawer i reterned home at 1.30 am isa friday i will eb their
bas btw ofcourse i need ur help & u helped me but i swear if u need my help i will help

[SoMa]

يا هوريكانو متنساش الا انت بس اللى وصلت للمرحله دى المفروض تستنى ونساعد باقى الناس علشان نطلع نعمله سوا لان صعب جدا لما الناس تخلص كويست النوبلس نطلع كل مرة مع واحد بس كده هنروح نموت الريد بوس ده حوالى 30 مرة بالطريقه دى وده صعب يتنفذ
الصح اننا نتعاون مع الناس التانيه علشان يخلصوا الصاب كلاس والنوبلس علشان يكون في على الاقل خمسه مثلا عايزين يموتوا الريد بوس بتاع النوبلس ووقتها هتلاقى ناس كتير بتساعد

خير الناس انفعهم للناس

[SoMa]

على العموم واضح ان الميعاد مناسب للجميع ومنتظرين ردود باقى الناس المهم بس ياريت الناس كلها تيجى علشان محدش يدخل باكونت حد يخلص الكويست له

لاننها محتاجين اكبر عدد ممكن

[HORRICANE]

ما هو زى ما انا قولت انا جاى .........................عشان اللى ساعدونة بس



و لو انا قعدت استنى كل دول عشان يخلصوا النوبل و يبقوا معايا انا هاعمل الكويست باذن الله السنه الجايه زى النهارده كده



حوالى الساعه 5


لعلمك يا سوما معلومه نودى ممكن تاكدها ليكى



(لو استنتهوم محدش فينا هيخد الايتم من الريد بوس غير بارتى واحد و الباقى مع نفسهم)


و انا بصراحه معنديش استعداد ابقى مع نفسى .................................



و طبعا انا جاى

[xhehox]

الى الاخ HORRICANE ما شفتكاش ولا مره طلبت المسعدة مننا أو من كلان كراشر حتى مره سألتك حتأتل الريد بوس أزاي ألتلي ما تخفش معاي ناس !!!! مع أني كونت متواجد أنا أشرف ودولزي وكنا مستعدين نسعدك لو أنت طلبت !!!
فلا تفتري على كلان كرشر ^ - ^

ونشاءالله حكون موجود في الموعد ولا أكن لا أظمن ظروفي والبعض عارف أيه هيه الظروف
تحياتي للجميع

[HORRICANE]

و الله يا هييهو مش قصدى عليك خالص


و انا عارف انك و اشرف كنتو هتيجوا معايا


و انكوا وقتها مكنتوش موجودين


بس انا طلبت المساعده و انت و اشرف مكنتش موجودين

وقتها


و اتنفضلى


و بعدين انا مش زعلان من حد



انتوا كبرنتوا الموضوع ليه


ده انتوا كلوكوا حبايبى

[SoMa]

بص يا هوريكانو لو تفتكر مرة الجزار ودولسى حصلت بينهم مشكله والجزاز جاب هانتر معاه ومنذر ودولسى كان لوحده ووقتها انت كنت في الكلان ودولسى طلب مساعده مننا وانا واشرف وانت كنا اون لاين بس وانا واشرف قولنا لدولسى احنا جايين ولما طلبنا منك تيجى باعتبارك عضو من اعضاء كلان كراش انت قولت اسف انا مش فاضى ورايا حاجات كتير عايز اخلصها في كويست النوبلس ومرضتش تيجى معانا بغض النظر كلان هيكتور صحابك ولا لا وقتها مافيش حاجه اسمها صحاب ما كلهم صحابنا واخوتنا لكن دى لعبه ليها نظام وواجبات ومن حقوق للكلان اللى انت عضو فيه وقت الشده تكون موجود وهقولك مثال صغير واحد زى هيكتور انا بحترمه جدا وبعزه لكن وقت ما هعرف مثلا انه قتل حد من الكلان هروح وادافع عن اسم الكلان بتاعى زى ما منذر وهانتر دخلوا في الموضوع ودافعوا عن الجزار واسم الكلان بتاعم رغم ان دولسى صاحبهم بردو

وبلاش حكاية كلان كراش وكلان هيكتور بلاش التفكير بالطريقه دى امبارح انا كنت بعمل لفل اب لكينج علشان يدخل بالهيلر ونقتل الريد بوس رغم انى خلصت كويست الصاب كلاس لكن انا بساعده انه يبقى لفل عالى علشان الناس اللى عايزة تخلص الصاب كلاس سواء من كلان كراش او من كلان هيكتور وروكى اللى بحب اشكره اوى كان في فيركا ولما عرف طلب منى ادخله البارتى علشان يساعدنى وبعدها هكتور موسى كان لفل 40 طلب منى اعمله لفل اب وبردو دخلته الباتى وما شاء الله جاب لفل 63 تقريبا بلاش اللعب باسم الكلان والكل يشهد الحمد لله ان ناس كتير من كلان كراش بيساعدوا اى حد والعكس صحيح بالنسبة لكلان موسى عيب الكلام ده يا هوريكانو

ثانيا يا هوريكانو انت بتقول انك عايز تخلص كويست النوبلس وتقتل الريد بوص اوكى لو افترضنا ان ده حصل والسيرفر كله ساعدك وقتلتوا وخلصت النوبلس بعدها انت متصور انك هتبقى هيرو طبعا لا
عارف ليه هقولك ليه علشان غصب عنك مش بمزاجك لازم تستنى الناس التانيه تخلصه علشان تقدر تشترك في الاولمبياد معاك يبقى في الاخر هتفضل بردو قاعد مستنى يبقى الصح نتعاون مع باقى الناس علشان نحس بمتعة اللعبه الموضوع مش موضوع مين يخلص الاول

[SoMa]

ولما تحب تطلب مساعده من السيرفر متروحش تكلم كل واحد في السيرفر لا طبعا

الصح انك تعمل موضوع زى الموضوع ده وتكلم الناس وتشوف رايهم ايه

[ELGAZAR]

كلام هوركان صح انا واقف على الرد بوس برده ورحنا معرفناش نعمل حاجه خالص بطبعا الواحد معدش عارف يعمل ايه تانى

[HORRICANE]

ممممممممممممممممممممممممممممممممم


امال لو انى مش جاى هتعملوا ايه


هتولعوا فيا


انا كده او كده جاى


كل وجع الدماغ ده


كنت عاوز اقول انى معنتش بلعب عشان اتخنقت من اللعبه



فبطلتها شويه


و انتوا كبرتوا الموضوع



(سومه انا يومها ما جتش لسببين



دولسى قتل الجزار الاول لمجرد ان الجزار بيموت ال وحوش كلها............... رزاله يعنى



السبب التانى انى كنت هاخش كلان هيكتور



و ده ملوش علاقه بموضوعنا


انا بصراحه دخلت كراش عشان التليبورت بتاع الكلان هال بتاع عدن


عشان اروح برج العظماء

عشان كويست السب كلاس هناك


كده الامور واضحه

[SoMa]

امممممممممم دخلت مصلحه يعنى ما علينا نسيب الحكم للناس على الجمله اللى قولتها دى

واعتقد مش من الصح ان حد يموت وحش صاحبه بيموته ks يعنى ولا انتوا شايفين ان ده صح

[SoMa]

ما علينا المهم نرجع لموضوعنا الاساسى ياريت كل الناس تبقى موجوده

[ELGAZAR]

وبعدين هوريكن مينفعش يقتلنى تقدرى تقولى كده انا و هو اخوات

اما موضوع الصاب كلاس انا كون موجود امبارح ومش عارف ظروفى يوم الجمعه رمضان داخل وانا بظبط استيل جديد للمنتدى بتاعى

[HORRICANE]

لا يا سوما هو قتلوا عشان اسرع منه فى القتل و كان عامل زحمه



فانا و الجزار كنا مخلصين الوحوش هناك و هو اخره كا ن يتفرج علينا



و انتى عارفها الفرق بيت الفايتر و الساحر




و خلينا فى موضوعنا احسن



ان الناس تبقى موجوده فى معادها يوم الجمعه

[xhehox]

يعني أنت ي HORRICANE دخلت كلان كراشر علشان التلبورت وزي ما بتقول مصلحه
والله أعلم يمكن ادخل كلان هيكتور عشان مصلحة برضوا !!!!
لازم يكون عندك أنتماء ^-^ المصلحة دي طريقها ..................
تحياتي

[osama]

مينا كان معاكم فى كل خطوه من الاكونت بتاعى لانى ماكنتش عارف اجى بس ان شاء الله معاكم يوم 4:30 والحقيقه لما شفت منظر امبارح انا انهارت ازاى احنا عشره وعاوزين نقتل رايد وازاى حتى لو قتلنا اول رايد كنا نقتل التانى؟ على العموم شكرا جدااااا للى ماجوش امبارح على المساعده الهايله دي وشكرا للي جم لاننا اتسلينا اوى بالذات لما هنتر اتجن :harhar:

[SoMa]

علشان اثبت ليك انت بتفكر غلط يا هوريكانو انت كنت ممكن تيجى مع الناس امبارح وتشجع باقى الناس تيجى وبعد ما نخلص مع الناس الصاب كلاس ونقتل كل الريد بوس بعدها انت ممكن تطلب انت والجزار الناس تيجى معاك نقتل الريد بوس بتاعك ومكنش حد يتاخر لان المشكلة مش ان الناس مش عايزة تساعد المشكلة الحقيقه ان صعب انك تجمع الناس كلها في وقت واحد ومكان واحد

خلاص يا هيهو كبر دماغك زى ما بيقولوا انا قولت اللى عندى وهوريكانو قال اللى عندوا ونسيب الحكم للناس كلها

[xhehox]

أنا دماغي كبير يا سوما ونتي عارفه بس بحب أعلق على كلام هوريكانو
لا أكثر ولا أقل

[totos_acmilan]

انا بصراحه دخلت كراش عشان التليبورت بتاع الكلان هال بتاع عدن


عشان اروح برج العظماء

عشان كويست السب كلاس هناك


كده الامور واضحه
ah el klam dah msh eab alak kada
bas metzelsh law ahtgt my help & i said sry iwill help my clan memmber coz they love the clan msh ............................... end

[HORRICANE]

عملته من الحبه............................................. . قبه



لعلمكوا


انا دخلت الكلان عشان التليبورت انا كنت بطلع سبع ادوار ماشى على رجلى


و كمش فى ال stone اللى كيمو حطها


فانتوا مدلعين و متعرفوش انا تعبت ازاى



و انا داخل مصلحه


علقوا زى ما انتوا عاوزينو اكلموا كتير على الفاضى



و ان كنت داخل كلان هيكتور مصلحه فده حاجه بينى و بينه


و محدش يدخل فيها



و عيب عيب مش فارقه معايا



انا حر

[! NoDi !]

ان شاء الله هجي يوم الجمعة لو اتحسنت شوية
و يا HORRICANE الكلام الي انت بتقولو ده غلط جدا كدا هتكره كل الكلان فيك على الفاضي مكنتش دخلت من الاول احسن ليك وخلاص بدل ما تقول مصلحة وكلام غير عقلاني وغير مسؤول بالشكل ده

[SoMa]

على العموم انت نزلت في نظر الكلان كله بعد كلامك ده

ولو مكنش هيكتور موسى ماستر الكلان بتاعك كان ليا كلام تانى معاك انا هسكت احتراما لهيكتور موسى

[hectormousa]

شكرا يا سوما على الطريقه المحترمه اللى اتكلمتى بيها وانشالله هاكون موجود يوم الجمعه انا وكلان جيم أوفر وبالنسبه لموضوع هورى فطبعا يا هورى انا عارف انك متضايق وعايز تخلص بس زى مانتا عارف انو مش هينفع نموت الريد بوس من غير مساعدة الناس كلها اللى فى السيرفير ودا مش هيحصل الا لو احنا ساعدنا الناس اللى ماعملتش السب كلاس وعلى فكره انا متأكد ان سوما هتكون أول واحده تكون موجوده انا برجو من الناس انها تنسى الموضوع ده وزى مانتا قولت اننا كلنا اخوات فى اللعبه سوا كراشر أو جيم أوفر

[HORRICANE]

خلاص انا كلامى عيب


و حقكوا عليا


خليكوا بقى فى معاد السب كلاس بتاعكوا

[! NoDi !]

انت ببتكلم كدا ليه يا HORRICANE محسسنا انك هتبجي علينا بأنك تيجي معانا تساعدنا O.o سبحان الله
طيب يا سيدي متجيش وزي ما انت مش هتساعد حد مش هتلاقي حد يساعدك وعلى فكرة الريد بوص الي انت عايز تموتو ده عايز تحالف بين كل اللي في السرفر يعني مينفعش كلان واحد في السرفر دلوقتي يعرف يموتو
كما تدين تدان

يا خسارة المساعدة الي تتقدم بعد كدا لحد

[SoMa]

زى ما قالت ليك نودى احنا مش عايزين مساعدتك

وفي نفس الوقت كلان كراش مش هيساعدك وهيتفتح ال pk عليك ويحصل اللى يحصل وهتعرف يعنى ايه كلان كراش

[ELGAZAR]

بلاش كده يا جدعان محدش يزعل من هورى هو متعصب النهرده عشان حصل حاجه لوحصله لحد فيكو هيكره نفسو وملهاش علاقه بالعبه

انا اعتزر بالنيابه عنه ومتزعليش يا نودى وانت يا سوما بلاش تسخنى الموضوع الراجل مخنوء اصلا

وبلاش موضوع ال PK ده عشان هوه فاضى اصلا وش بيعمل حاجه النتى ال هتعطلى نفسك على الفاضى

انت طبعا عرفين هورى هو محتر كتير وبيساعد كتير سيبوه لحد ما يهدى ولو حب يحكيليكوا ال حصل يحكى انا مش قايل حاجه

[SoMa]

انا ولا بسخن الموضوع ولا حاجة انا قولت الموضوع انتهى وهو بردو بيدخل ينزل ردود زى الزفت

ثانيا الكلان بتاعنا خلاص قرر يفتح ال pk عليه وموسى عارف كده

ثالثا انا ولا هتعطل ولا حاجة بالعكس ده اسعد لحظات عندى وانا بفتح ال pk على اى انسان يغلط في الكلان بتاعنا

ويبقى يقابلنى لو عرف يقتل ريد بوس النوبلس حتى لو روحنا في يوم نقتل الريد بوس هنفتح ال pk عليه ده قرار الكلان بتاعنا ومحدش يتدخل في امور تخص الكلان بتاعنا لو سمحتوا

[! NoDi !]

بس برضو يا جزار ميصحش يتكلم كدا يعني مع ناس ساعدتو كتير وهوا عارف قد ايه
ومش عشان ملقاش حد يساعدو في كلان كراشر في الريد بوص الي عايز يموتو يروح على كلان تاني عشان مصلحتو :S
ده يبقا نظام ايه ده
وعلى فاضي ومش فاضي لو كل كلاني مش فاضي انا فاضية ومستعدة معملش الـ Subclass ده لحد ما السرفر يبقا فيه 5000 واحد مش هيزودني حاجة يعني عادي

[hectormousa]

يا ريت هورى لو ينفع يقول اللى كان مضايقه ويا ريت يا جزار هوه يعتذر بنفسه لان زى مانتا شايف سوما فى اول الموضوع وجهت عتاب بسيط للناس اللى ماجتش وشوف رد منذر كان ايه مثلا
هوا كان ممكن يعمل موضوع جديد للريد بوس بيتاع النوبلس والناس ماكنتش هتتأخر وخصوصا سوما ويا ريت نقفل الموضوع ده ونقف جنب بعض الفتره الجايه دى

[ELGAZAR]

طبعا يا هيكتور بعد ال حصل ده هورى مش هيدخول يعتزر ابدا عشان سوما بتهدد ولو دخل يعتزر الناس هتقول ده خايف طبعا محدش يرضى بالوضع ده خالص طبعا كلام منطقى
انا بخلص استيل المنتدى وفاضل الهكات وان شاء الله هخلصهم ولو مخلصتهمش هجى برضوا


سوما انت بتفكرينى بـ وكيل النيابه وهوه بيسخنmad القضيهshiny shiny

[haydi]

شكرا يا ياسمين علي الموضوع ده لاني فعلا كنت عايزه اعمله
لان امبارح كانت خيبه امل رهيبه ان مفيش حد يجي او يفكر في المساعده الا القليلmad
واقدم شكري الشديد للناس اللي بنشوفها ساعات تواجد ال gm او زياده اي جديد فعلا cool
ومش بنشوفها تاني الا في المناسبات
وبالتاكيد شكراا لكل من انشغل بتجميع المتريال عن المساعده ده الروح المطلوبه
وتمام كلامك ياسمين ونودي بعد كده المساعده مش لاي حد
ونشوفكم انشآالله يوم الجمعه علي خير

[SoMa]

LOL هو حد يكره يبقى وكيل نيابة على قلبه فلوس اد كده LOL

المهم بص يا جزار باعتراف الجميع سواء من الكلان بتاعنا او من الكلان بتاعكم هو غلطان بمعنى كلمة غلطان

ومكناش متوقعين انه يقول كده

اه بالمناسبة يا جزار اللى فكر في موضوع ال PK مش انا .... نودى اللى قررت وحلفت كمان ولما اخدنا رايى الناس في الكلان كلهم وافقوا وحسينا اد ايه هما مضايقين من الكلام ده ولسه كيمو مدخلش وشاف الموضوع انا واثقه باعتبار انه ماستر كلان كراش هيقول اتفحوا ال pk للرد على الاهانه اللى وجهها صديقك واخوك العزيز هوريكانو

سلاموز بقى لينا لقاء بعد مباراة مصر

[hectormousa]

بص يا جزار انا غلطت فى كيمو بردوا واعتذرن فى المنتدى ادام الناس كلها ومش عيب ان حد يعتذر لو هوا غلطان بس اللى انا عايزو من هورى انو ياخد فتره يفكر فيها ويشوف الكلام اللى قالو ده صح ولا غلط علشان يقدر يقرر هيعمل ايه وانا واثق ان هورى هيقدر ياخد القرار الصح وانو هوه اللى هينهى المشكله دى

[ELGAZAR]

طيب يا سوما انتوا احرار بس كده ممكن هكتر ياخد الموضوع اهانه للكلان بتاعه

انا بقترح ان كيمو وهكتور يتفقوا مع بعض على عقاب مناسب ليه عشان ميحصلش مشاكل بين

كلان كرش وكلان جيم اوفر بسبب واحد فى الكلان

[HORRICANE]

انت ببتكلم كدا ليه يا HORRICANE محسسنا انك هتبجي علينا بأنك تيجي معانا تساعدنا O.o سبحان الله
طيب يا سيدي متجيش وزي ما انت مش هتساعد حد مش هتلاقي حد يساعدك وعلى فكرة الريد بوص الي انت عايز تموتو ده عايز تحالف بين كل اللي في السرفر يعني مينفعش كلان واحد في السرفر دلوقتي يعرف يموتو
كما تدين تدان

يا خسارة المساعدة الي تتقدم بعد كدا لحد


اولا يا نودى


انا مش بمن على حد


انا اصلا جاى عشان تعملى السب كلاس

و انا قولت كده فى اول الموضوع


لانك ساعدتنى كتير



ثانيا انا مش عارف انتوا ليه كلكوا فهمتوا غلط


انا كل الللى كتبته

قصدى اقول بيه انى قرفان من اللعبه و زهقت و سبتها كام يوم و عشان كده ماجتش يوم السب كلاس اللى فات


مش جاى اتهم حد انه ما ساعدنيش او ساعدنى


فانا كده او كده جاى و قولت كده 500 مره



ثانيا بالنسبه لموضوع ال pk


طبعا ما تترجعوش فيه


على الاقل الاقى حاجه اعملها بدل ما انا فاضى



و لازم تموتنى كذا مره عشان نودى حلفت



ماينفعش نكسر حلفانها





بالنسبه انى دخلت الكلان مصلحه



ف..........انا اسف على كده


بس هى ده الحقيقه و من بعد ال castle

اسالوا الجزارانا قولته ايه

انا من يوم الكاستل و انا عامل حسابى انى مع هيكتور


بس دخلت كراش عشان فعلا انا كنت محتاج ال teleport بطريقه جامده جدا جدا جدا


انا اسف على ده


بس هى ده الحقيقه و انا قولتها و كنت فاكركوا مش هتزعلوا





طبعا انا مش هازعل من اى حد هيموتنى ..............هنفضل اصحاب عادى




و فى النهايه اتمنى الفوز لمنتخبنا الكبير



اللى بيلعب دلوقتى

[hectormousa]

يا جماعه زى ما قولتلكو هورى هوا اللى هينهى الموضوع ود بان من كلامو وبرضوا المفروض اننا نلرعى انو كان متضايق فعلن وانا مريت بموقف مشابه مع كيمو وكلكم وقفتوا معايا خصوصا سوما و نودى لما اخدت بان ويا ريت ننسى الموضوع ده يا نودى و يا سوما وهو اعتذر للكلان بيتاعكم ومن كلامو باين انو الرجل كان عشمان انكم صحابو ومش هتزعلو منو

[ELGAZAR]

خلاص الموضوع خلص

سوما بلاش تولعى mad الموضوع تانىshiny shiny

انا كمان بفكر فى اعتزار لائق تكون خدمه للسرفر عشان يفتكر هوريكن

[SoMa]

لا متقلقش يا جزار هيكتور مش هياخد الموضوع اهانه لاننا علشان ناس محترمه ونعرف الاصول كويس جبنا هيكتور انفايت على الاميل مع نودى واسامه وفهمنا هيكتور اللى حصل ونودى سالته سؤال الكلام اللى قاله هوريكانو ينفع يا هكتور قال بكل وضوح وفي شهود على الكلام طبعا لا ولما قولنا هنفتح ال pk قال حقكم طبعا

ده كان كلام هكتور يا حزار واظن الاهانه الواضح لكل كلان كراش بلا استثناء انه كان واخدنا سلم او وسيله او مصلحه يستفاد بيها ولما المصلحه خلصت خرج من الكلان حتى من غير ما يقول لحد لان وقت ما خرج كان كيمو اون لاين وناس كتير وانا منهم لما خرج فجأة انا سالت كيمو ودام الناس هو خرج ليه حصل حاجة رد عليا كيمو والله ما اعرف وعرفنا ان محصلش حاجة كان اقل شىء يسلم علينا ويفهمنا بس طبعا هو مش يهمه حد هو زى مصاص الدماء اخد اللى كان عايزة واستفاد بيه وخرج

وياريته مثلا سكت لا ده جاى ودام الناس كلها بيقولها كده وبيكررها زى ما يكون فرحان انه ضحك علينا بجد منتهى الاهانه وعدم الاحترام لكل الكلان واسلوب محدش يقبل بيه ابدا

وياريت اشوفك في السيرفر يا هوريكانو على رايك تنسلى شوية ونشتغل pk

[M_I_N_A]

معلش انا جيت متاخر لاني كنت نايم طول اليوم المهم هوري انا مش فاكر في مرة انك طلبت مني مساعدة في الريد بتاع النوبل انا مش فاكر انك اتكلم في الموضوع اصلا مع اي حد انت لما كنت معانا في الكلان بصراحة مكناش بنشوفك خالص همك كلة تجميع الماتريال وبس وانا مقدرش انكر انك ساعتني في تجميع الماتريال للسب كلاس لاني قزم وكنت بموتهم بعد سنين وموضوع الريد بتاع النوبل اصبر شوية مش معقولة هنروح نقتلة كل لما تلاتة اربعة يخلصو الكويست ولا اية لو صبرت شوية هتلاقي ناس جت معاك في ناس بدات في تجميع الماتريل برضة يعني انا الي اعرفهم بيعملو كويست النوبل ( انت -الجزار-منذر-اشرف -انا -هايدي بتجمع الماتريال من قبل متاخد الكويست -سوما -هيكتور) هما دول الناس الي انا شفتهم لو كلهم وقفو عند الريد اكيد السيرفر كلة هيجي يساعد ولا انتو شايفين اية وبالنسبة ليوم الجمعة انا جاي معاكو طبعا

[HORRICANE]

و الله يا سوما انا مش عارف اعملك ايه


يعنى طلب و خديه من واحد زيى


ياريت تقفلى الموضوع خالص و ما تكلميش فيه و خلاص


عشان لو انتى زعلانه فى غيرك و هما صحابى ممكن يزعلوا منى بكلامك


فياريت تبطلى تكبرى فى الموضوع




بس طبعا هو مش يهمه حد هو زى مصاص الدماء


اما ده بقى اهانه و مش قابلها منك خالص


و زى ما اعتذرت انا على اللى قولته مستنى منك انك تسحبى الكلمه ده


معلش يعنى انا مش ابنك و ابن عمك الصغير و لا احنا اصحاب او نعرف بعض



و انا مخدتش حد منكوا كوبرى و لا حاجه


تقدرى تقولى خدت الكلان هال كوبرى


و الوحيد اللى اهتم بزعله فى النقطه ده هو كيمو


لانه استغليته هو


و انا موافق على اى تعويض هو يقوله



ان شالله لو دفعت تمن الكلان هال

[ELGAZAR]

فعلا يا سوما انت عماله تكبرى فى الموضوع

[SoMa]

الموضوع كبير لوحده مش محتاج حد يكبره وده مش كلامى ده كلام الناس اللى في الكلان

[SoMa]

تقدرى تقولى خدت الكلان هال كوبرى


و الوحيد اللى اهتم بزعله فى النقطه ده هو كيمو


لانه استغليته هو

شوف انت بتقول ايه وبعدين تبقى اتكلم وكفاية انك بتعترف ومصمم تكررها زى ما يكون فخور باللى عملته :harhar:

[hectormousa]

خلاص يا شباب انا اتفقت مع سوما وهورى ان الموضوع يتنسى ويا ريت ماحدش يتكلم فيه تانى

[Ninja Sniper]

انا احب اعتذر مقدما لانى احتمال كبير مقدرش اجى يوم الجمة الظهر لانى انا مش بفتح الجهاز غير بالليل
بس انا هحاول اجى على قد مقدر بس برضة علشان محدش يقول انى مش باجى ولا بساعد حد انا كنت موجود المرة الى فاتت وحاولت على قد كقدر
لكن الوقت بتاع يوم الجمعة صعب جدا اجى فيه بس هحاول وربنا يوفقنى واجيلكم

[BadBoy]

ana gee bs ya rab me7slsh zay al mara al fatet

[SoMa]

بصوا يا جماعه احنا هنأجل الميعاد حوالى نصف ساعه يعنى هيبقى الميعاد الساعه 5 بدل من 4.30 علشان ده وقت صلاة العصر

[totos_acmilan]

soma ana msh earf aoolk ah am now in a cyper coz my computer is fixiing in it its 2.20 now & idont think that i can cathc the time of the subbclass ana earf that u will not going to talk to mke agine u & all the people coz its the 2nd time that i cant come with u u r going to say i want help & never help other people bs wlahy el azim el pc bayz & its end el cyper & the spurse of the game is lost so i cant take it to any 1
ana assf walhy coz iwill not help u bs ana neaml ah its out of my contorol ana assf

[Hunter]

يا مسهل
يا جملعه يا ريت الناس كلها تتكون موجوده
علي الاقل ادينا بنعمل حاجه جديده بدل ما احنا كل يوم الي بنام فيه بنقوم فيه
انشالله نموت 1000000000000 مرة بس نكون حاولنا
و بلاش سياسه خلصت حاجتي من جارتي الي في ناس كتير بتتتتبعها
علشان الي مش عارف ان زمن المحاربين لعبه جماعيه 100%
و انه لازم هيحتاج للناس
و لازم يساعدهم علشان هو اكيد موصلش كده لوحدو
بلاش يلعب احسن
و انشاء الله اشفكم بعد الضهر
و سلامي لكل الناس الي منورة و بتتيجي تساعد

[osama]

يلا باقي ساعتين على الموعد هيييييه ادعولى بس مافيش حاجه تحصل فى اخر ثانيه clap

[Hunter]

ربنا معاك و معانا كلنا يا اسامه

[SoMa]

اوكى يا توتس مش مشكلة

وبالنسبه لهانتر عندك حق لو موتنا مليون مرة المهم نحاول وان شاء الله هننجح في الاخر بس يارب كيمو يكون موجود النهاردة انا عارفه ان سبوع ادم ابنه بكرة بس ربناي سهل ويحاول يفضى نفسه ساعه ونص كده ويكون معانا

[totos_acmilan]

اوكى يا توتس مش مشكلة

وبالنسبه لهانتر عندك حق لو موتنا مليون مرة المهم نحاول وان شاء الله هننجح في الاخر بس يارب كيمو يكون موجود النهاردة انا عارفه ان سبوع ادم ابنه بكرة بس ربناي سهل ويحاول يفضى نفسه ساعه ونص كده ويكون معانا

begad ya soma ana asssf awwy & ty coz u sitll my friend coz i thinked uwill not talk to me agine bs it seems to me ur forgevns

[Hunter]

صحيح يا سومه انا معتترض علي عنوان الموضوع
ليه محاوله اخيره
احنا ورانا ايه ؟؟

[Rockykeen]

ها عملتوا ايه احكولي :no:

[SoMa]

مش عايزة اقولك اد ايه كنا مبسوطين كان اكبر تجمع يحصل كنا تقريبا حوالى 22 واحد او 21 واحد

وقتلنا اول ريد بوص وكله كان ماشى تمام

ولكن للاسف الشديد يا روكى لما روحنا للريد بوص التانى في برج العظماء كان نص الناس مشوا مش عارفه ليه وفي الاخر صفصفنا على 6 بس

تقريبا كده الناس كانت جايه تثبت حضور وتمشى

وانت ومنذر مجتوش من اصله

ما شاء الله يعنى

[Rockykeen]

يا سوما سلامتك انا كنت موجود و قتلت الريد بوس الاول معاكوا و رحت برج العظماء عند التاني واستنينا ساعة الا ربع بس الساعة 7 كان لازم امشي عشان هاستنا والدتى على المحطة .. كان غصب عنى

[hectormousa]

انا الواد اللى واخد منو وصلت النت قفل الرويتر وقالى انو عايز يريحو ( أدعو انت عليه بقا )

[Hunter]

انا فضلت موجود لحد مكنا 5 او 6
بس تمام يعني
ادينا حاولنا
المرة الجايه انشاء الله
كلو يجييييييييييييييييييييييييييييييييييي