إعلان هام (مقابلة داخل اللعبة)

[KOC2000]

إلى جميع لاعبي زمن المحاربين، سنقوم بعمل لقاء داخل اللعبة غدا الإثنين الموافق 7/5/2007 إن شاء الله لشن غارة على أحد الوحوش رؤساء الغارة (Raid Boss). سنلتقى عند مرشد المستجدين في قرية جلودين الساعة السادسة مساءً.
----------------------------------------------------------------------
المقابلة القادمة...
يوم الأربعاء الموافق 9/5/2007
وننتظر ردود الأعضاء بالنسبة لتوقيت المقابلة

[adisaadisa]

سؤال مهم جدا يا باشا

المقابله دى لليفلات كام يعنى

يعنى انا ليفل 15 اجى ولا الوحش دا لو نفخ فيه هيموتنى ..؟؟؟

ثم يا عم كفايه ه اننا هنشوف بعض ....فى وسط الادغال الى الواحد بيمشى فيها دى .

[Darkside]

طبعا دة شرف لية ان اكون تاني واحد ارد علي الموضوع : طبعا هي حكاية جامدة جدا ان احنا نتقابل كلنا ونساعد بعض ..وطبعا فرصة عظيمة للناس اللي بتقول انهم بيلعبوا لوحدهم في اللعبة ... وانا ان شاء الله هكون اول واحد هناك .... وشكرا ليك جدا يا اخ احمد .ونتمني فعلا ان الموضوع دة يتكرر لو كل اسبوع مرة مثلا كدة تشجيعا للناس يبقي مية مية

[Sakaliet]

انشاء الله حكون موجود .. بس حد يعرفلى اعمل Summon ازاى علشان مبقاش زى قلتى

[waleed]

فكرة هايلة جدا يا كيمو

وأكيد كلنا هنكون هناك قبل المعاد بساعة على الأقل

[Egyptian]

واااااااااااااااااااااااااااء

هبقى الشغل

ما تاخروها شوية اكون جيت من الشغل

[KOC2000]

محنا هانفضل شوية برضه يعنى. وان شاء الله تلحقنا..

[Egyptian]

انشاء الله حكون موجود .. بس حد يعرفلى اعمل Summon ازاى علشان مبقاش زى قلتى

اة و طلعلنا قطة

عايز اشوف القطة الى بتحارب دى شكلها عامل ازاى :p

[Ninja Sniper]

انشاء الله حكون موجود .. بس حد يعرفلى اعمل Summon ازاى علشان مبقاش زى قلتى

الSummon ليه ايتم خاصة لازم تكون معاك
وانا حاسس ان فى كويست بيعلمك ازاى تعمل اول Summon علشان انت اول حاجة عندك فى الSummon القطة الى عايز يشوفها egy ودى موجودة فى اول جزيرة عند العناكب مكتوب عليها
Quest Monster وجنبها راجل كلمو يمكن هو الى هيعلمك Summon

[darkman]

ان شاء الله هكون هناك بس هكون تقريبا لفل قليل عشان انا لسة منزل اللعبة و بتعمل سيت أب و ان شاء الله ألحق المهم هموت ولا اية النظام ؟؟؟؟؟؟؟

[Tamer Moataz]

ما تخلوها الساعه 12 علشان الكل يبقى رجع من الدرووس و الشغل و خلصنا مذاكرة

عندنا ثانوية عامة يا نااااااااس

[adisaadisa]

انا جاى يا جماعه

اوعى تمشوا من غيرى

انا جاى على الساعه 6.30 او 7

دا الواحد مصدق انه هيشوف ناس تانيه فى الادغال الى بيمشى فيها دى ..

[KOC2000]

السلام عليكم.. النهاردة الإتنين تمت المقابلة و رحنا نضرب فى رؤساء الغارات.. و ماشاء الله كلنا شتحنا أرضا.. وكانت مسخرة.
بس الموضوع كان ممتع جدا.

[darkman]

هههههههههههه يا ريت تعمل وحدة ثانية يا كوك عشان انا مقدرتش اجى عشان كان عندى عطل بس صلحتة الحمد الله

[KOC2000]

المقابلة اللى جاية يوم الثلاثاء (غدا) إن شاء الله.. و ناووين نعمل الموضوع ده.. يوم و يوم.. عشان تزيد متعتنا باللعبة.

[adisaadisa]

بس بلاش بقى يا جماه موضوع الوحوش الكبيره دى دلوقتى ... خلوها لما نجمد شويه

احسن شكلنا كان وحش قوى ....

[captainblack]

طيب يا جماعه الناس عليت فى السيرفر يا ريت لو نحدد وقت نروح نضرب فى الوحوش ده او نستنى لما الناس تخلص امتحانات

[totos_acmilan]

طيب يا جماعه الناس عليت فى السيرفر يا ريت لو نحدد وقت نروح نضرب فى الوحوش ده او نستنى لما الناس تخلص امتحانات

yes to increas our lcl & to be too much people

[Mr@LoNeLy]

والله فكرة حلوة .... نتقابل ونلعب مع بعض .... بس ياليت لو تحطون كم التوقيت بال(GMT) لأني من الأمارات وماعرف كم التوقيت ....!