هام جدا للاعضاء و للاداره خصوصا

[voodoo]

اولا احب اشكر الاداره على مجهودها عشان العبه و الترجمه


هى فعلا كانت مهمه صعبه جدااااااااااااااااااااااااا


بس للاسف مفيش حاجه كامله



لان اللى بيحصل فى السيرفر و خصوصا من gm حاجه ما ترضيش اى حد بيلعب و نافخ نفسه فى اللعبه



يعنى ايه ال gm يبقى lvl 76


و ليه اصلا


الgm فى كل العاب الاون لين شخصيه رقابيه بتراقب على اللعبه و تساعد اللعيبه بس



مش ماسكه اسلحه و تنضم ل clan و تحارب و يختار ال lvl اللى هو عاوزه


ده يبقى لعب عيال و مفيش مسئوليه خالص


و قاعدين يسوءوا استخدام سلطاتهم


المفروض ال gm شخصيه رقابيه من غير لفل من غير كلان من غير اسلحه من غير اى حاجه ممكن تخليه لعيب


مش ماسك سلاح زى الاخ HiTsU


و غيره كتيررررررررررررررررررررر اوى



يا ريت الاداره تشوف الموضوع ده



لانى مش مكمل فى اللعبه طول ما لعب العيال ده موجود


و معتقدش ان اى حد يوافق على الكلام ده


لانه مهما عمل عمره ما هيبقى احسن واحد فى اللعبه


و انا منسحب من اللعبه و انا مش هاثر على عددكم اصلا


بس هى مساله مبدا



و يوم ما كل (لعب العيال) يرجع زى ما كان


انا طبعا هارجع


لانها لعبه جامده



بس (لعب العيال) بيبوظ اى حاجه



مستنى ردود الاعضاء اللى المفروض يخدو موقف من ده


و مستنى رد فعل الاداره



و كل الكلام يكون فى الموضوع يعنى من غير رسايل خاصه


و شكرا على وقتكم

[boo7aa2006]

انت عرفت أزاى الكلام دة؟

[waleed]

يا ريت توضح مصدر كلامك زي ما قالك بوحة أو تحكي واقعة بعينها حصلت

وأحب اوضحلك ان مفيش GM في الجيم غير كيمو و HiTsU

واي حد تاني بيلعب زيه زيك من اول ليفل

وبعدين اسأل الناس اللي في السيرفر كلها هتقولك ان كيمو بيلعب بشخصية عادية خالص زي كل الناس

وانا في كلان عادي خالص وموجود مع الناس بإستمرار

ومفيش حد عمل كلان للـ GM,s ولا اي كلام من اللي حضرتك بتقوله

وHiTsU بقى GM بس علشان يساعد الناس .

فأرجو توضيح الكلام علشان احنا كمان عندنا مبدأ ومعندناش استعداد نلعب من غير مجهود

انت شايف اننا كلنا من أول واحد لآخر واحد بنبذل مجهود علشان تظبيط الجيم

نيجي بقى نبوظه علشان كلام فارغ .

[SparTa]

ايه المشكلة ان GM لفل 100 حتى و لابس ولا مش لابس المهم ان يكون ماشى مع القوانين و بيساعد الناس فى حدود قوانين السيرفر. و هو فى كلان ايه بقى و يا ترى شوفتوا كام مرة بيساعد حد بطريقة مش مظبوطه. يا ريت يا جماعة قبل ما نهاجم GM ولا السيرفر نلعب و نشوف الموضوع فيه عدل ولا لأ. وعلى فكرة لبس ال GM و السلاح الى معاه علشان الناس تتفرج على الدروع و الأسلحة بتاعت لفل 76 و تحلم بيها و تجتهد علشان توصل للمنظر ده.
و عليكم السلام و رحمة الله و بركاته

This is my homeland; no one can kick me out

[HiTsU]

اولا ال GM مش بيلعب ولا بيستخدم اي حاجه من الحاجات المعاه مجرد لبس بيميزه عن اللاعيبن العاديين انا نفسي عندي شخصيه عاديه بلعب بيها

ال GM مهمته مساعده الناس بالمعلومات اللازمه و اخذ التقارير من الناس لو في خطاء في اللعبه عشان نصلحه و يعملو check علي جميع مناطق اللعبه للتاكد من كفائتها

يعني مش بيلعب او بيتخدم صلحياته لغير كده و اي مخالفه من ال GM
ببقيد في ال log الخاص به و من حق ال admin زي waleed او Kimo من عزلي

يعني كله ماشي بنظام عادل و امن

[! NoDi !]

صح يا ريت تاخدو بالكو من الموضوع ده اوي لأن موضوع الوصايت و مساعدة الاصدقاء ده بيبوظ سرفرات كتير اوي انا مبقولش ان ده موجود هنا بس خدو بالكو منو اوي

شكرا
! NoDi !

[KOC2000]

السلام عليكم.
الأخ فودو.. أول حاجة أحب أقولها لك، يا ريت يكون فى أسلوب للكلام أحسن من كدة و بدون غلط.. إحنا مش عيال عشان نعمل (لعب عيال) إحنا كلنا ناس كبار وأغلبنا متجوزين وعندهم أطفال (عيال يعنى).. المهم.

أول نقطة: اللعبة مش عربي 100% لأنها لسة BETA يعنى حضرتك بتلعب النسخة التجريبية و ليست النهائية من اللعبة، واحنا شغالين قدر المستطاع عشان نكمل اللعبة.

تاني نقطة: زي ماقال وليد بالظبط مافيش غير KiNGKiMO اللى هو أنا و HiTsU وانضم إلينا كمان Spiral فى مجموعة ال GM.. أولا أحب أقولك إحنا مش مطالبين نقولك إحنا بنعمل أيه ولو عجبك شغلنا أهلا بيك أخ كريم وعضو معانا ولو مش عجبك يبقى بدون غلط شارك مع حد غيرنا يعجبك.. إنما أنا هاقولك إحنا بنعمل أيه عشان إحنا مش بنكلم الأعضاء كأنهم أغراب، بالعكس إحنا عارفين إن كل واحد هنا إما مصرى أو عربي يعنى إخوات، وعلى هذا الأساس هاوضحلك المسائل.

KiNGKiMO اللى هو أنا (أعوذ بالله من كلمة أنا). وانا مش فاضى أبقى فى اللعبة طول الوقت أشوف مشاكل الناس جوة عشان أنا شغال في تظبيط السيرفر نفسه والترجمة والمشاكل العامة.. وعشان كدة تم توظيف HiTsU للقيام بهذه المهمة، طبعا هو واحد من صحابنا الموثوق بيهم و عنده خلفية جامدة عن اللعبة أكتر من أى حد هنا. والتالت مش بيظهر جوة اللعبة أبدا، الراجل بيجرب السكيلات و بيختبر كل حاجة فى اللعبة و بيدينا تقارير.. أنا الوحيد اللى ليا كل الصلاحيات وكل GM ليه الصلاحيات اللى بتخليه يأدى وظيفته وبس.. وليد حتى مش فاضي إنه يعمل GM عشان هو اللى ماسك المنتدى و بيلعب بشخصية عادية زينا كلنا و كمان ماشى خطوة خطوة عشان بيجرب بنفسة و بعدين يعمل شرح فى المنتدى هنا.

موضوع الوساطة و الكلام ده سواء صدقت أو مصدقتش مش موجود عندنا.. أنا نفسى مش بدى نفسى أى حاجة يا أخى والله...

وأنا اللى مدى هيتسو اللبس اللى انت شايفه ده. هو نفسة ماعندهوش صلاحيات يدى نفسه حاجة.. واللبس والكلام ده عشان الواحد يشوف قدام ممكن يبقى عامل إزاى وهايلبس أيه.. ومش معنى إنك شفت فى سيلكرود ال GM شكله جربان يبقى إحنا كمان هانخلى شكلنا كدة.

وأخر حاجة.. إحنا فاتحين السيفر لينا أولا عشان نزداد خبرة وعلم ومعرفة و ثانيا عشان نستمتع بلعبة جيدة ونمتع أكبر كم من أهلنا أو أصحابنا وأخواتنا العرب والمصريين ونعمل عائلة عربية كبيرة..
وتأكد إنك بتتعامل مع ناس كبيرة ومحترمة و عندهم مبدأ ولو مش متأكد من الكلام ده يؤسفني أقولك ماتدخلش عندنا تاني.

و تأكد إني مش هاقبل ومش هاسمح لأى حد إنه يشكك فى نزاهتنا أو ضميرنا عشان ده غلط كبير في حقنا.. وأى مشاركة تحتوى على كلام من ده تانى هايتم حذفها و إيقاف صاحبها.

والسلام عليكم ورحمة الله وبركاته.

[SparTa]

شكراً على التوضيح!










Mirrors can't talk. Luckily for you, they can't laugh either

[Darkside]

يا جماعة انتو مديين الموضوع اكتر من حقة .. انا شايف ان الاخ voodoo متغاظ او مضايق من حاجة احنا مش عارفنها .. لان الكلام اللي هو قالة لو كان فعلا بيحصل كنت انا اول واحد اتكلمت ومكنتش سكت .. وبعدين في حاجة اسمها ذوق وادب " بعد اذن احمد و وليد وبقيت الاعضاء " وبلاش الكلام اللي انت مش قدة دة .. عيب احنا هنا كلنا ناس كبيرة " انا عن نفسي اعتبر من اكبر الاعضاء سناً وعندي ابني جمال " ربنا يحيمة " يعني عيب الكلام دة مش لعب عيال يعني ... عموما انت ممكن تكون غلطت " ومش عيب ان الواحد يغلط العيب انة يستمر في هذا الغلط " ولو عايز تتاسف اظن مفيش فرصة احسن من كدة .. واهلا بيك تاني وسط اخواتك " دة بعد اذن طبعا احمد و وليد " ومعتقدش انهم هيمانعوا في شئ .. عموما انا مستني ردك .. اوك يا فودو ... وشكرا

[SparTa]

أفتكر الموضوع خد أكتر من حقه و علشان الكلام يخلص. تم الغلق

ربنا يخليلك جمال يا باشا :D


When a man points a finger at someone else, he should remember that three of his fingers are pointing at himself