ميعاد جديد علشان كويست السب كلاس

[CrissAngeL]

سلامو عليكم

و كل سنة و انتم طيبين

و يعود عليكم بخير

و من قدم شئ لله التآه
و ربنا يبعد عنك ولاد الحرام
و يكفيك شر المرض

يا مؤمن

دلوقتي بقى احنا عايزين نعمل معاد للسب بدل المعاد الفاشل اللي فات دا

و سعدتكم أنا بقول عليه فاشل علشان 3 أسباب :

*** انه فاشل فعلا
***ناس كتير من اللي قالوا هنيجي مجوش
***و المصيبة بقى اني مجتش blush ( بس و الله كنت في شغل في الشجاعة بالنوبارية و طبعا بما ان الناس هناك بتستغطا بريش الفراخ فأكيد مفيش هناك زمن المحاربين

المهم ياريت نحدد معاد جديد بس لو سمحته بلاش ترموه لآخر الأسبوع

يعني لو بكره يبقى حلاوه قوي و لو الناس كلها تيجي يبقى حلاوه بالقشطه و لو الساعة 10 بالظبط يبقى انا اللي هحاسب

يعني الناس الحلوه اللي من لفل 60 - 77 تحاول تيجي علشان زي ما بيقولو الكتره تغلب الشجاعة
واحد هيسأل سؤال متين و يقولي لفل 60 يجي يعمل ايه ؟

هقولو برده جواب متين : علشان يصحونا لما نموت cool

و الناس الكويسه اللي عايزه تعمل الكويست ياريت تكون موجودة برده علشان هتنفعنا cool

titoo , princes , freecov , ekadi11 , 7up , mizo , monster , أخوكم أحمد حتاته (الشهره criss )

و لو فيه حد انا نسيته يجي برده ميضورش

و لحد كدا تمام اوي

اشوفكم بكره بقى في المعاد ( اياك محدش يجي دا هيا 30 دقيقة ان شاء المولى )

سلامو عليكم بقى

[totos_acmilan]

ana ya man endi skool y3ni law bed el fatr ala tol will be better

[osama]

اولا احب انبه لحاجه انا امبارح جيت الساعه 10 ونص واتاخرت ورحت عدن قالولى لازم تنزل لفل فضلوا يقتلونى لغايه مانزلت لفل وفضلت مستني حبه الوقت كان 11 ونص وماكناش لسه مشينا وانا انام 12 عشان المدرسه مشيت ونقصت لفل على الفاضي اما السب حايقعد فوق الساعه على ما اظن وانا حاحاول اجى الموعد الجديد وياااااارب

[SoMa]

الميعاد مناسب

وانا كنت موجوده من بدرى بس للاسف الناس مسمعتش الكلام والاغلبية كانوا لفل 78 وطبعا ده مش ينفع وفضلنا بقى فترى نقتل فيهم والوقت فات

ياريت المرة دى كله يكون موجود يوم الاحد بالليل الساعه 10 وتكونوا جايين وانتوا لفل 77 او اقل علشان محدش يقول تعالى اقتلنى ونضيع الوقت تانى اكيد الكلام واضح للجميع السلام عليكم ورحمة الله وبركاته

[CrissAngeL]

لا ان شاء الله المره دي الناس كلها هتسمع الكلام و هتيجي في المعاد و لفل 77

بس لو فيه اي ملاحظات تاني ياريت تتقال علشان نبقى عاملين حسابنا و منتعطلش

و بإذنك يارب هندبحوا

يا توتوس بعد الفطار على طول مش هينفع علشان فيه ناس بتصلي التراويح و كدا

[KOC2000]

أنا مش فاهم الناس متبتين فى مستوى 78 ده ليه، وكأنهم مش هايعرفوا يجيبوه تاني...
أنا نصحيتي للجميع يبقى في قائد... وكلامه يتنفذ... أنجح مجموعات اللى ليها رئيس وياسلام لو كان خبرة وذو رآي حكيم.. وأهم من ده كلو المجموعة كلها تنفذ التعليمات وبلاش يبقى في عدم نظام وفوضة زي اللى بتحصل غالبا..
عموما ربنا يوفقكم.. ولو قدرت أجى بشخصية المعالج بتاعتي هاجيلكم ان شاء الله.

[ELGAZAR]

يا كيمو انا كونت هتشل من الفوضه ال كانت موجوده
لازم يكون فى تنظيم يعنى الفيتر يقفوا حيطه عشان البوس ميعرفش يعدى لى السحره
والتنكر يخلوا البوس يضرب فيهوم والهلير يركز مع التنكر عشان ميموتش(يفضل تنكر واحد عشان الهلير ميتعزبش)
اما الحرس بمجرد ظهورهم الكل ينقل عليهم مش يستنوا اما يكتر الحرس وبعدين يضربوا

والسحره عيزين نهم فى البدايه يعملو السكلات ال يتخلى البوس ضعيف وبطيء بعنى كل حاجه تخلى البوس يكون اضعف

[haydi]

آنشالله ابقا موجوده

[M_I_N_A]

الجزار عندو حق الناس الي جت كلها مكنتش عارفة يعني اية ريد بوص دول مكنوش عارفين الكويست اصلا فاكرين انهم لازم يكونو في بارتي عشان ياخدو الايتيم وعمل اقول full full ويقولولي دخلنا طب اعمل اية يعني وبعدين والنفرض انها بارتي واحدة الي هتاخد الايتيم ساعد واضرب مش تقف تتفرج مانت كمان لما هتيجي تعملة تحتاج مساعدتنا والناس الي كانت فاكرة ان الي هيضرب الريد بوص اكتر هو الي هياخد الايتيم كل لما حارس يطلع اقول اهو حارس ظهر اضربو ولا حياة لمن تنادي اتنين تلاتة بيضربو معايا الحراس والباقي متبتين في الريد بوص مش عايزين يسبو خايفين حد يقتلو قابليهم ولا اية انا مش عارف انا شايف لو هنعملو تاني الناس تيجي قبل الميعاد بنص ساعة ونقسم الاعمال علينا يعني الي ال p.def بتاعو اعلي يفضل مع الريد علي طول والهيلر يركز معا والسحرة يركزو في الريد بوص اما باقي الفايتر يجذبو الحراس ليهم عشان ميرحوش للي بيضربو الريد بوص والي شايف تنظيم تاني احلي يتفضل يقولو

[ELGAZAR]

انا يا مان يقول التنكر يخلوا البوس يضرب فيهم عشان عندهم سكيل يعمل كده والديفنس بتعهم عالى جدا
غير ان عندهم بف يخلى الديفنس 4000
وكده الهلير تكون العمليه سهله عليه حتى لو جاله لاج ولا حجه التنكر هيستحمل اما الساحر كل سنه وانت طيب بيموت وهو بيتعملوا هيل

[CrissAngeL]

بس انتو تعالوا و ان شاء الله كل حاجة هتتظبط و هندبحو بأمر الله



الميعاد الساعة التاسعة و النصف مساءا بتوقيت أول فيصل و 6 أكتوبر

احنا هنجتمع بدري نصف ساعة علشان نتفق هنعمل ايه

و ياريت بلاش الأفلام الفشلة بتاعت عندي لاج و الحركات دي

لو عايز تعتذر عن الحضور هات افتكاسة جديدة
زي واحد صاحبي بيقولي انا مش هقدر آجي سألته ليه يقولي قال ايه الساعة 10 بيروح يجيب رز باللبن من أولاد الريف قبل ما يخلص ( آه و الله قال لي كدا :crazy: )

يالا باقي من الزمن 11 ساعة و 17 دقيقة و 29 ثانية

سلاموا عليكم

[hectormousa]

هوه الميعاد الساعه كام ؟ ؟ ؟؟ ؟ ؟ ؟ ؟

[ekadi11]

انا راح اكون اول الحاضرين بس وين راح يكون التجكع في عدن ولا مكان تاني

[SoMa]

التجمع هيبقى في مدينة عدن من الساعه 9.30 والتحرك هيبقى حوالى الساعه 10.15

ثانيا مافيش حاجة اسمها ناس تضرب في الريد بوص وناس تضرب في الحراس الكلام ده غلط وجربنا كتير وفشل

لو عايزين فعلا تخلصوا بسرعه ومحدش يموت مننا ركزوا دايما على الحراس بتوع الريد بوس يعنى كل ما يظهر حارس للريد بوص اضربوا فيه عالطول كلكم دون تردد والله لو الكلام ده اتنفذ الموضوع هينجح بمنتهى السهولة

وربنا الموفق وياريت فعلا يا كيمو تيجى بالهيلر بتاعك وحشنا اللعب معاك انت ودودى

[SoMa]

وبالنسبة للقائد اللى هينظم الموضوع لو كيمو كان موجود بالهيلر بتاعه هيبقى هو القائد لو مكنش موجود هتبقى هايدى القائد لانها هيلر بردو