هام جدا جدا جدا بخصوص ال rates

[KOC2000]

السلام عليكم.
فى ابداية أحب أعرف أعضائنا الكرام إن كل حاجة فى اللعبة محسوبة بالظبط. وال rates مش هاتتغير فى السيرفر ده لأنها مظبوطة تماما، وان شاء الله سيتم إفتتاح سيرفرات أخرى للمرح والتهييس إنما للعب بجد هو السيرفر ده.
لو تقولى إن الموضوع مش مظبوط وان اال rates قليلية أقوك ليه؟ تقولى مثلا مش عارف أعلى الكلان بتاعى.
طيب با سيدى عايز تعلى الكلان بتاعك وحضرتك لفل 20.. طب إزاى ؟ نزودلك الفلوس صح ؟ طيب، قول إننا زودنا الفلوس و بقيت حضرتك فى لفل 20 وأغنى واحد فى العالم.. و ربنا كرمك و فضلت تضرب و جيب ال SP اللى مطلوب فى الكلان لفل 1 و لفل 2 كمان.. عايز تعمل الكلان لفل 3.. وانت لفل 30 حتى..كلان لفل 3 طالب حاجة إسمها علامة الدم، ودى بتقع من وحش إسمة ملكة الدم و الوحش ده بقى لفل 60 يا سيدى.. يعنى ماتفكرش تروح تقرب منها.
وفى الحالة دى نعمل أيه ؟ نعلى ال XP بقى عشان توصل لفل 60 بسرعة طبعا.. وتبقى لفل 60 وانت حتى ماغيرتش الفصيلة بتاعتك و مش فاهم حاجة لأنك ملعبتش أصلا و ماعدتش على كل الكويستات فى كل الفلات و ماروحتش كل مناطق اللعبة و فجأ تلاقى نفسك مش عارف تضرب أى بوس عشان هو أقل منك...وكمان نعلى ال drop عشان تقعلك علامة الدم من أول مرة، طيب ونلعب ليه ؟؟ مانقفل السيرفر و نقول إننا عملنا كل حاجة و خلاص..

لو فضلت اتكلم فى الكلام ده يبقى هاتكلم للصبح، أنا نفسى بلعب معاكم بشخصية عادية ولسة إمبارح عامل غول ووصلته لفل 15 و عندى قاتل لفل 36 و اسألوا ساك لما لعبنا أنا و هو لوحدينا بس عملنا أيه.

يا جماعة اللعبة جماعية، ولازم تتلعب جماعية..
وزى ماقولت كل حاجة محسوبة، ولو فى حاجة غلط، تبقى طريقة لعبك مش اللعبة.
وكمان مرة، ال rates مش هاتتغير فى السيرفر ده.. إنما هانعمل سيرفرات تانية إن شاء الله مختلفة فى القوانين وال rates...

تفتكر الشركة اللى عاملة اللعبة و هما عندهم أكتر من 14 مليون مشترك، غلطانين فى حسابات اللعبة؟ و تفتكر 14 مليون واحد مش فاهمين اللعبة؟

أنا نفسى أشوف ناس بتعرف تلعب مش ناس بتشكى إنهم مش عارفين حتى يلعبوا.. الشكاوى تبقى عشان فيه عيب معين فى اللعبة، مش عيب معين فى اللى بيلعب و يرميها على اللعبة..

وكفاية كدة عشان إيدى وجعتنى :p :p :p
والسلام عليكم

[HiTsU]

هو كلامك مظبوط
يبقي ان شاء الله نحاول نعلم الناس المواضيع دي و نخليهم يعيشوا علي قدهم

و اهم حاجه ازاي يظبطوا نفسهم علي قدهم و يفكروا في قدام في نفس الوقت ^^

و حظ سعيد للجميع

[Ninja Sniper]

يا سلام فعلا كلاك صح ومقنع
وانا شايف ان الدروبات بتاعت الفلوس مظبوطة جدا بس الحاجة الى مستغربلها ان موقعليش اى دروب ايتم خالص طيب المفروض اى حاجة لكن مفيش اى حاجة جزمة حتى
طيب gloves اى حاجة من لفل الوحوش الى بنضربها
انا مقتنع بكلامك جدا لكن كلامك بينطبق على دروبات الفلوس بس ولا على الايتم كمان

[HiTsU]

علي فكره مافيش drop للitems قدام علي فكره
كله تصنيع .. عشان كده نسبه انك تقعلك item تقريبا زي الواحد في المليون

[KOC2000]

الأيتمز برضه يا نينجا.. الدروب عشوائى.. أنا بتقعلى حاجات كتير والله.. هى حظوظ.. وأكيد هتقعلك مادة محترمة برضه.

[adisaadisa]

انا مقتنع بكلامك يا حمد بس فى نقطه مش فاهمها انت بتقول ان فى سيلفارات هتفتح بعد كده

وتكون للعب والمرح ... وهيلون فيه الحجات دى اعلى ... هل نظام السرفارات هنا زى سلك رود يعنى

الى فى سيلفر ملوش علاقه بالسرفارات التانيه ولا ايه .... اصل معنى كده ان الواحد بقى يستنى

لما السرفارات الجامده دى تتفتح ويلعب فيها وخلاص ولا احنا يعنى عنلعب على دا ونهيس على

السيرفارات الجايه .... انا مش فاهم ؟؟

[moataz1988]

بدون تعليق :confused:

[boo7aa2006]

بص....معنى أن أى سيرفر تهييس تتفتح يبقى أنسلى السيرفر ديةة و ان أى حد ينجذب ل اللعبة دلوقت
الأحسن سيييييييبك خالص و لو فيية سيرفر جدييد ف ديية تتفتح لما يزيد العدد و تبقى زيها زى السيرفر اللى دلوقت و على فكرة اساس الفلوس و exp و الدروب و كوووووووووول دة حيزيد مع زيادة الناس و أقوللك أزاى
اولا الفلووس حتزييد عشان البيع و الشراء ما بين الناس و شغلانى dwarves :D
exp حتزييد عشان البارتى و healers حيساعدوا أنك تتضرب وقت أكبر
الدروب حيزيد لأن طبعا كل ما وحش يتقتل بيطلع غيرة و مع زيادة الناس كل ثانية تقريبا حيتقتل وحش و ينزل غيرة معاة drop يعنى مثلا تخيل سيرفر سيلك روود كدة مفيهووش غيير 100 وااحد تخيلوا كدة فرصتهم أد ايية ف أنهم يلاقوا دروب محترم + او blues بلاش حتى sos ولا الكلام دة
ف انا بقوول انك تمح جملة سيرفر للتهييس ديية و تخللى الموضوع مجرد تنبيية عام على حال السيرفر و ابقى أمسح كلامى دة كمان :D

[moataz1988]

بص....معنى أن أى سيرفر تهييس تتفتح يبقى أنسلى السيرفر ديةة و ان أى حد ينجذب ل اللعبة دلوقت
الأحسن سيييييييبك خالص و لو فيية سيرفر جدييد ف ديية تتفتح لما يزيد العدد و تبقى زيها زى السيرفر اللى دلوقت و على فكرة اساس الفلوس و exp و الدروب و كوووووووووول دة حيزيد مع زيادة الناس و أقوللك أزاى
اولا الفلووس حتزييد عشان البيع و الشراء ما بين الناس و شغلانى dwarves :D
exp حتزييد عشان البارتى و healers حيساعدوا أنك تتضرب وقت أكبر
الدروب حيزيد لأن طبعا كل ما وحش يتقتل بيطلع غيرة و مع زيادة الناس كل ثانية تقريبا حيتقتل وحش و ينزل غيرة معاة drop يعنى مثلا تخيل سيرفر سيلك روود كدة مفيهووش غيير 100 وااحد تخيلوا كدة فرصتهم أد ايية ف أنهم يلاقوا دروب محترم + او blues بلاش حتى sos ولا الكلام دة
ف انا بقوول انك تمح جملة سيرفر للتهييس ديية و تخللى الموضوع مجرد تنبيية عام على حال السيرفر و ابقى أمسح كلامى دة كمان :D

d: كلام صحيح

[KOC2000]

يا شباب أنا مقولتش إننا هانفتح بكرة سيرفر للتهييس يعنى..الكلام ده لما اللعبة تكتمل إن شاء الله و تبقى عربية 100% هانفكر فى سيرفرات تانية.. والموضوع مش بالسهولة دى، ليها حسابات ومصاريف جامدة، إدعولنا ربنا يعينّا على السيرفر اللى احنا فيه ده بس.

[adisaadisa]

ربنا يعينك يا ابو حميد بس انت مرديتش عليه برده؟؟؟

[darkman]

والله يا مان كلامك اقنعنى و ان شاء الله هنحاول نلعب و مش هنشتكى بشيء شكرا يا حمادة على الشرح و ان شاء الله الناس تفهم

[boo7aa2006]

طب يبقى زى ما قولتلك فكك من سيرفرات التهييس ديية خالص و ركز على ديية سواء بقى بكرة بعدوا خليينا على ديية ل حد ما تتملى و بعديين نبقى نعمل سيرفر تانية زيها ف كووووووووووول حاجة

[KOC2000]

WE DON'T ACCEPT DONATIONS (YET AT LEAST)
مفيش حاجة هاتتغير، و مافيش ناس كتير لأن اللعبة لسة جديدة.. و لما تزيد الناس كل حاجة هاتتحل. أيوة يا أديسا الشخصية اللى فى سيرفر غير اللى فى السيرفر التانى..

[saismail]

klam gamel awe ya gam3a bs fe moshkela betwghna t2reban kolena law el wa7ed mnena mat by7'sar exp kter awe we bytl3 3en el wa7ed 3shan ye3awd ely 7'sro 3shan mafesh 7ad byl3b m3ah yesa3do we zay manto 2olto de le3ba gam3ya we ana bl3b be s7'syet gen el zlam we mish la2e ay 7ad 7'als we ana now lvl 13 we bdakar a3mel acount gded human 3shan mish la2e 7ad 7'als ... ana asde men el klam da law momken te2alel el lost exp shewaya le7ad lma ykon fe nas kter keda momken neb2a a7la we fe nas shft el le3ba we lma 3rft mowdo3 el lost el gamd da bt3 el exp mrdetsh te3lb we da r2ye

[Sakaliet]

انا لما اكتشفت الكلام ده .. بطلت اعلب علشان انا مفيش حد فى اللفل بتعى ..

مستنى الناس تعلى علشان ارجع العب تانى ..

لان اللعبه محتاجه عدد .. مش محتاجه فلوس ولا exp

المشكله كلها فى العدد المطلوب بس ..

لما الناس تكتر و تعلى فى الللفل .. كل الكلام ده محدش حيشتكى منه ابدا

[SparTa]

BOT



http://www.wowsignature.com/upload/k2ewlltqp9gzkfs6.png (http://www.wowsignature.com/)

[adisaadisa]

فعلا اكبر مشكله .. ان الناس قليله ... لو فى ناس كتير اغلب المشاكل هتتحل لوحدها ومش هنحس بيها

[Darkside]

يا جماعة الناس بتبوت مش بتلعب .... ذي ما قال sparta البوت مشكلة كبيرة والبوت معمول علشان الواحد لما ينام يشغلوا مش العكس ...

[boo7aa2006]

اة البوت لذيذ و كل حاجة بس لما بيموت مبيرجعش لوحدو و حتى لما انا برجعوا القرية village مبيعملش حاجة و بيقف و خلاص!!!! و بيموت أكتر ما بيجيب exp و رجعنى لفل ب سبب كدة,بقى معقول أبقى ف لفل 11 و لما أموت أخسر 11% دة لو فضلت عالمعدل دة(ان مكنتش حتزييد)ف دة معناة اللى حيمووت دة حيعد اليووم كلوا يرجع اللى نقصة(ف اللفل العالى طبعا)ف يا رييت تبقى تقلل exp اللى بتنقص لما حد يمووت
و شكرا على المشاركات

[adisaadisa]

فعلا عندك حق فى النقطه دى يا بوحا ... انا اصلا البوت مش شغال معايه بس لما بموت بتخنق فعلا

[HiTsU]

Sakaliet
الشخصيه الاساسيه بتاعتك lvl كام

و انت يا بوحه

[HiTsU]

اولا لما بتموت بتنقص 3% و ده حاجه عاديه تقنعنيش انك لما بتموت بتنقص 11%

[boo7aa2006]

اولا لما بتموت بتنقص 3% و ده حاجه عاديه تقنعنيش انك لما بتموت بتنقص 11%

و الله نقصت 11% :eek: لما موت ف لفل 11 حقوللك ايية اكتر من كدا
و انا دلوقت لفل 16 و كل مرة بموت بنقص كتييييييييييييييييييييييير و انا اساس بقتل mobs لفل 12 عشان مموتش و عشان الفلووس :D

[HiTsU]

الوحوش ال لازم تقتلها لزم يكون اسمها اقال حاجه مكتوب باللون الاخضر اقل من كده مش هتنزلك حاجه

[DoLsY]

اولا لما بتموت بتنقص 3% و ده حاجه عاديه تقنعنيش انك لما بتموت بتنقص 11%

ana lama bamoot ban2as 8%

[! NoDi !]

السلام عليكم اولا دي اول مشاركة ليا وعايزة اقول رأيي بصراحة كدا يعني موضوع 1X ده موضوع مش جميل خالص لأن السيرفر الريتايل فيه ما يفوق ال 50,000 يوزر وطبعا اليوزرز العالية ممكن تساعد اليوزرز التعبانه بـ 50 الف 20 الف كدا لله ثانيا اليوزر العالية ساعات بتحتاج ماتريال وبتكسل تعمل فارم ليها عشان كدا تنزل المدن الصغيرة وتفتح شوب تشتري الماتريال دي وطبعا دي بتبقا فرصه حلوه لليوزرز الصغيرة عشان يعملو قرشين حلوين صح؟؟
سرفرك لسه مفهوش ناس كدا مفهوش ناس عالية تساعد الناس الي لفلها واطي لسه المشكله مش في الاكسبرينس بس المشكله الاكبر في الفلوس يعني ايه اوصل لفل 20 و المفروض يبقا معاية على الاقل ميليون عشان اشتري طقم D Grade وايه كمان دا اقل حاجه في ال D Grade في حجات احسن انا لعبت في سرفرات كتير اوي منها العالي و منها الواطي بس مشوفتش Private Server في حياتي 1x اقل حاجه شوفتها 7x وكمان كانو مخليين الفلوس 20x السرفرات ال 30x اكسبرينس دي الرات بتاع الادينه بتاعتها بيبقا 200x مش 20 ولا 30 فلو ممكن إعادة النظر في الموضوع ده عشان الناس تكتر في السرفر ومتمشيش وعلى فكرة لو فتحت سرفر الرات بتاعو عالي هتملي اكتر من الي الرات بتاعو واطي
اه انت عندك حق كدا الناس البرو Professionals بس هما الي هيلعبو في سرفرك بس معتقدش ان الناس الي لسه جيه تجرب اللعبه هتستحمل انهم مش فاهمين + كمان بطئ في اللفل ومفيش فلوس + حط في اعتبارك فيه سرفرات تانيه لنفس العبه الرات بتاعها اعلا بس مش مصرية وسيبك انها مش مترجمة الشعب المصري بيقاوح حتى لو كانت روسي
وخد في اعتبارك لسه بعد C Grade باقي الاسلحة واللبس ال B Grade ,A,S كرافت تقدر تقولي بقا انشاء الله هنعملهم كرافت ازاي دول اذا كان مفيش ولا شخصية دووارف في اللعبه والسول شوت و الاسبريت شوت كرافت برضو يعني
علي الرات الناس تعلى وتكتر وبعدين ابقا نزلو تاني
او عندي اقتراح تاني أعمل يوم ايفينت كدا يوم واحد في الاسبوع الرات بتاعو يبقا عالى يوم الجمعه مثلا
وشكرا
! NoDi ! ^^

[sasaro_alex]

فعلا كلام نودى سليم 100%

احب بس اضيف معلومتين

اولا في السيرفرات الاخرى فى عدد كبير جدا من الناس وبالتالى البيع والشراء بين اللاعيبه كتير في تجارة وربح , طبعا هتقولى اصبروا السيرفر لسه جديد هنجيب ناس منين يبقى الحل لحد ما السيرفر يبقى له وضعه انك تساعد الناس اللى بتلعب دلوقتى مش تطلع عينها حرام بجد لان الناس دى هى اللى هتعمل للسيرفر بتاعك اسم

ثانيا في السيرفرات الاخرى انت ممكن تشترى من سايت جولد واحنا عن نفسنا حتى لو بفيزا مضروبة بس ده الواقع

كده بقى ما شاء الله السيرفر لا فيه بيع ولا شراء ولا فيه انك تشترى جولد طيب الناس تعمل ايه

يا اما بقى ترخص اسعار بتاعت اللاسلحه واللبس

وعلى فكرة احنا كان معانا 5 جايين من الجيلد بتاعنا في سيلك رود لعبوا يومين وطفشوا والسبب الرئيسى الجولد

فكها علينا شوية يا كيمو انت ووليد بلاش البخل ده علشان ربنا فرجها عليك وهانيالك يا فاعل الخير والثواب

بجد يا سيادة الادمن ارحمنا شوية متكرهناش في اللعبه واعمل حسابك كل يوم هتكسب في واحد جديد في السيرفر هتخسر بداله اتنين والسبب هو الفلوس

اللهم انى بلغت اللهم فاشهد

[captainblack]

انا حسيت النهارده وانا بلعب ان الفلوس زادت اووووووى يعنى اللى كان بيوقع 100-150 بقى يوقع من 700-800 وبصراحه كده كتير اوى :) ولو شافين ان ده صح كملو بس يا ريت ال balance بتاع اللعبه ما يرحش فى دهيه

[captainblack]

وعلشان محدش يفتكر انى معايا فلوس مش عايز الناس يبقى معاها فلوس فبقول كده والله انا افقر واحد فى اللعبه فى لفلى وانا متاكد من كده بس انا نفسى السرفر يبقى زى السرفرات الاصليه علشان نحس بمتعت اللعب وشكرا

[HiTsU]

ya gam3a kol 7aga ma7soba el ziada de mosh hatboz el balance wala 7aga bedalil fe servers 30x wa zay el fol
el rates el mawgoda 7alian kaiwsa wa sa2oni el game mosh flos ba3d lvl 50
el flos mahash ema 3alia el materials wa el tasi3 oma asas el game ba3d keda

wa hatishtari el soul shot men el nas wa keda inshallah testamta3o
wa mafish 7aga bett3aml 3'er lama bett7aseb beda2a wa el 7amd le allah

[! NoDi !]

والله انا شايفة ان تعملو يوم ايفينت كدا بدل ما الريت كلو 1x 1x 1x تخلوه في اليوم ده او يومين مثلا 3x 3x 3x وده يدي فرصة للناس الي لوحدها (الي هما احنا) في السيرفر تعمل حاجة

[Egyptian]

السلام عليكم اولا دي اول مشاركة ليا وعايزة اقول رأيي بصراحة كدا يعني موضوع 1X ده موضوع مش جميل خالص لأن السيرفر الريتايل فيه ما يفوق ال 50,000 يوزر وطبعا اليوزرز العالية ممكن تساعد اليوزرز التعبانه بـ 50 الف 20 الف كدا لله ثانيا اليوزر العالية ساعات بتحتاج ماتريال وبتكسل تعمل فارم ليها عشان كدا تنزل المدن الصغيرة وتفتح شوب تشتري الماتريال دي وطبعا دي بتبقا فرصه حلوه لليوزرز الصغيرة عشان يعملو قرشين حلوين صح؟؟
سرفرك لسه مفهوش ناس كدا مفهوش ناس عالية تساعد الناس الي لفلها واطي لسه المشكله مش في الاكسبرينس بس المشكله الاكبر في الفلوس يعني ايه اوصل لفل 20 و المفروض يبقا معاية على الاقل ميليون عشان اشتري طقم D Grade وايه كمان دا اقل حاجه في ال D Grade في حجات احسن انا لعبت في سرفرات كتير اوي منها العالي و منها الواطي بس مشوفتش Private Server في حياتي 1x اقل حاجه شوفتها 7x وكمان كانو مخليين الفلوس 20x السرفرات ال 30x اكسبرينس دي الرات بتاع الادينه بتاعتها بيبقا 200x مش 20 ولا 30 فلو ممكن إعادة النظر في الموضوع ده عشان الناس تكتر في السرفر ومتمشيش وعلى فكرة لو فتحت سرفر الرات بتاعو عالي هتملي اكتر من الي الرات بتاعو واطي
اه انت عندك حق كدا الناس البرو Professionals بس هما الي هيلعبو في سرفرك بس معتقدش ان الناس الي لسه جيه تجرب اللعبه هتستحمل انهم مش فاهمين + كمان بطئ في اللفل ومفيش فلوس + حط في اعتبارك فيه سرفرات تانيه لنفس العبه الرات بتاعها اعلا بس مش مصرية وسيبك انها مش مترجمة الشعب المصري بيقاوح حتى لو كانت روسي
وخد في اعتبارك لسه بعد C Grade باقي الاسلحة واللبس ال B Grade ,A,S كرافت تقدر تقولي بقا انشاء الله هنعملهم كرافت ازاي دول اذا كان مفيش ولا شخصية دووارف في اللعبه والسول شوت و الاسبريت شوت كرافت برضو يعني
علي الرات الناس تعلى وتكتر وبعدين ابقا نزلو تاني
او عندي اقتراح تاني أعمل يوم ايفينت كدا يوم واحد في الاسبوع الرات بتاعو يبقا عالى يوم الجمعه مثلا
وشكرا
! NoDi ! ^^


احسن كلام سمعتة فعلا

اللعبة دى بالذات محتاجاة جماعية رهيبة جدا

و لو مفيش جماعية

استحالة حد يكمل لوحدة ابدا

انا عن نفسى لما زهقت رحت دورت على private servers تانية

لقيت سيرفر 9X و 5X فى الجولد

و الله

و لاول مرة

استمتع باللعبة

قدرت اوصل بكذا شخصية للفل 30 بسرعة و جربت حاجات كتير و فهمت حاجات كتير

( مش فاهم جبتوا منين ان 1X بتعلم الناس )

ببساطة كدة

هتفضلوا 1X

الناس هتمشى زى ما انا عملت كدة

هتعملوا الرات

الناس هتيجى

و انا عن نفسى استحالة اللعب بالرات دة على private server

على ال offical ماشى

على private لا اسف

اصل انا مش هربان من العذاب بتاع سيلك روود علشان اتعذب هنا بصراحة

[HiTsU]

الrates عليت اصلا ^^
have fun

[Darkside]

اييييييييييية الفلوس دي " دة بيقع فلوس كتيير قوي يا جدعان " بس انتو عايزين رائي كدة مش حلو ... يا ريت يا احمد فترة كدة علشان الناس يبقي معاها فلوس وترجع زي الاول او اكتر شوية من الاول " عموما دة رائي يا جماعة " وتقبلو تحياتي .... شكراً

[Sakaliet]

كلواا يلحق يلملووو قرشييييييييييين :D

[totos_acmilan]

كلواا يلحق يلملووو قرشييييييييييين

[meroo00oo]

يا عم KOC200 هوا انا بقول أن كلامك مظبوت مفيش أى حاااااااجه بس كل واحد يعيش زى ما هوا

عايز صح :confused: ;)

[BLADE]

انا الصراحه العب اللعبه ومافيها مشاكل والصراحه الزياده في الرييت حتى مسهله اموري

بس الناقص الناس محتاجين ناس تلعب وان شاءالله بمرور الوقت الناس بتعرف اللعبه وبتلعبها ومابيكون في اي مشكله

الصبر زين :)

[darkman]

فعلا اخ بلايد ان الله مع الصابرين و ان شاء الله الناس تزيد

[SeaStorm]

يا جماعة أرائكوا كويسة فعلا والفلوس جامدة والحمد لله بس يا جماعة اصبروا وبعد ما يخلص التعريب حتلاقوا الناس زي الرز ( الصبر :) )